web counter
LEXO PA REKLAMA!

SHKARKO APP

App Store
Google Play

E fundit!

x

“Mjaft më me oligarkët”/ Rama iu përgjigjet kritikave të Ditmir Bushatit

12 Maj 2020, 13:17, Politikë CNA

Kryeministri Edi Rama i është përgjigjur kritikave të bëra nga ish-ministri i Jashtëm Ditmir Bushati, i cili nga foltorja e Kuvendit disa ditë më parë, kërkoi që të mos votohet kontrata koncesionare për një port MBM në Porto- Romano të Durrësit.

Bushati tha se ky është një tjetër favor që u bëhet oligarkëve duke iu dhënë pasuri shtetërore.

Por, Rama gjatë një conference për mediat, tha sot se në Shqipëri nuk ka oligarkë. Sipas tij është një term i gabuar, që përsëritet sipas një ideje të gabuar.

?Nuk kam asnjë ndjenjë të posaçme, është hapësirë e lirë diskutimi, qasjesh, pozicionesh dhe unë i mbetem asaj që kam thënë. Jo sepse e kam thënë unë, por sepse besoj se në Shqipëri nuk ka oligarkë.

Mjafton të referohemi tek termi dhe të nxjerim konkluzione. Oligarkë nuk janë sipërmarrësit e pasur. Oligarkët janë ata që influencojnë drejtpërdrejt vendimarjet e qeverisë dhe parlamentit dhe diktojnë axhenda politike në funsksion të interesave të tyre. Nuk ka asnjë person që ta ketë këtë pushtet në Shqipëri. Skemi marrë asnjë vendim që nuk është diktuar nga politika jonë.

Është një term që përdoret në mënyrë të gabuar, përsëritet për të krijuar një ide të gabuar dhe lidhet me një numër të caktuar njerëzish që nuk janë bërë të pasur nga hiçi pas ardhjes tonë në qeveri, dhe me ardhjen tonë në qeveri paguajnë më shumë taksa për shtetin shqiptar.?-tha Rama.





Lajmet e fundit nga