web counter
LEXO PA REKLAMA!

SHKARKO APP

App Store
Google Play

Kriza ekonomike/ Civici: Kemi nevojë për një patriotizëm turistik

13 Maj 2020, 14:31, Ekonomi CNA

Eksperti i ekonomisë, Ardian Civici, në një intervistë për Ora news, ku ka folur për situatën në të cilën ndodhet vendi, u shpreh se turizmi jep kontributin më të madh në ekonominë shqiptare.

Sipas tij, ndikimi negativ i kësaj periudhe negative në ekonomi do të vazhdojnë të jenë evidente deri në mes të qershorit, ndërsa theksoi  se kemi nevojë për një patriotizëm turistik në këtë periudhë që të ndihmojë turizmin.

?Turizmi jep kontributin më të madh në ekonominë shqiptare. Masat ishin ekstreme dhe u respektuan nga qytetarët dhe biznesi. Ky susmesh në këtë kontroll dhe në raport me shpëtimin e njerëzve, vazhdon të japë ndikime të rënda në fushën ekonomike. Ne morën një goditje ekonomike në periudhën e tërmetit, që goditi zonën më të rëndësishme të një sërë shërbimesh ekonomike.

Ndikimi negativ i kësaj periudhe në ekonomi do të vazhdojnë të jenë evidente deri në mes të qershorit. Parashikimet për rritjen ekonomike janë negative deri në -9%. Kjo vjen se ne kemi një ekonomi të brishtë dhe të pastrukturuar. Po ashtu, janë prekur nga kriza sektorët më jetikë të kësaj ekonomie.

Nuk dihet se si do të jetë sezoni turistikë, nuk dihet se sa mundësi do të kenë turistët e huaj që të futen në republikën e Shqipërisë, gjithashtu ka pikëpyetje se sa do ta kompensojë këtë turizmi nga brenda. Nuk dihet sa do të vendosin që t?i kalojnë pushimet në Shqipëri dhe sa ata do të kenë mundësi. Ne kemi nevojë për një patriotizëm turistik në këtë periudhë që të ndihmojë me aq sa mundemi sektorin më të rëndësishëm të ekonomisë.? /CNA.al





Lajmet e fundit nga