E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Ahmetaj shpjegon paketën e tretë/ Çfarë parashikon dhe si do e ndihmojë ekonominë e shqiptarëve

7 Maj 2020, 20:17, Ekonomi CNA

Ministri i ngarkuar për situatën ekonomike nga koronavirusi Arben Ahmetaj, tregoi se çfarë do të përmbajë paketa e tretë ekonomike.

Ahmetaj deklaroi se paketa e tretë do jetë paketa e rimëkëmbjes dhe do të ndihmojë edhe prodhimin e turizmin.

“Paketa e tretë është paketa e rimëkëmbjes ekonomike që do të merret me injektim në sektor me investime publike dhe private, me kujdes në shtyllën sociale, ku do t’i referohemi me një buxhet nevojës më të madhe, por nuk do ketë paketa të tipologjisë 1 dhe të tipologjisë 2. Nuk do ketë subvencion. Po diskutohet instrumenti i tretë i garancisë për të ndihmuar prodhimin dhe turizmin. Dhe për turizmin ne kemi shtyrë tatim-fitimin për vitin tjetër”, u shpreh ai në emisionin “Opinion”.

Teksa u pyet nëse do të ketë një pagë për turizmin, ministria tha se: “Turizmi shqiptar patjetër që do pësojë goditje, por do pësojë goditje shumë më pak se të gjithë le të themi rajoni. Ne do hapemi me kujdes, ne kemi atë fat që dikur e kishim pak si disavantazh. Ose atë disavantazh që e kemi pasur dikur sot e kemi fat. 85 % të turistëve i kemi tokësorë. Teorikisht ne me Greqinë e kemi kufirin e hapur. Paketa e tretë është paketa e ringritjes ekonomike. Besoj do jetë gati në fund të qershorit. Është një plan më shumë se 3-vjeçar se godet objektivat deri në 2025-ën”./ CNA.al