web counter
LEXO PA REKLAMA!

SHKARKO APP

App Store
Google Play

Koronavirusi “gjunjëzon” ekonominë/ Eksperti bën paralajmërimin e fortë

4 Maj 2020, 12:21, Ekonomi CNA

Rihapja e bizneseve duket se nuk është e mjaftueshme për t?i dhënë ekonomisë shtysën e rikthimit drejt normalitetit.

Shumë prej bizneseve që janë hapur ditët e fundit nuk kanë pasur punë, pasi konsumatorët janë përqendruar të blejnë vetëm produktet bazë, ndërkohë që numri i të papunëve u shtua ndjeshëm muajt e fundit.

Duke folur për Euronews Albania eksperti i ekonomisë Kastriot Sulka u shpreh dyshues se situata mund të kthehet drejt ripërtëritjes pas muajit maj.

?Vetëm në muajin mars ne patëm rreth 61 mijë persona të cilët nuk figurojnë më në degën e sigurimeve shoqërore, pra kaq dolën të papunë vetëm nga ata që ishin me sigurime, nuk janë llogaritur edhe ata që ishin në të zezë. Jemi në pritshmëri negative të rritjes ekonomike, -5 për qind,? ? kujtoi Sulka, i cili analizoi se efektet e pandemisë kanë pasoja në të gjitha sektorët pasi në të njëjtën situatë janë edhe vendet e tjera.

Paketat e ndihmës ekonomike të parashikuara nga qeveria janë deri në fund të muajit maj. Sipas Sulkës ato nuk mjaftojnë.

Duke iu referuar edhe analizave të Bankës Botërore, Sulka tha se ata që pritet ta vuajnë më shumë situatën ekonomike të pas-pandemisë janë të papunët, familjet në vështirësi ekonomike, të vetëpunësuarit dhe punonjësit e sipërmarrjeve të vogla.

Sulka theksoi se aktualisht po vuajnë janë ata që punonin në të zezë dhe që nuk mundën të përfitojnë dot as nga paketat shtesë të ndihmës ekonomike.

Pikërisht informaliteti është problematikë që e rëndon më tej situatën. Sulka kujtoi se pas tërmetit të nëntorit rezultoi se rreth 60 për qind e bizneseve të hotelerisë në Durrës punonin në të zezë.

Banka Botërore ka parashikuar se për shkak të pandemisë do të ketë rënie me rreth 27 për qind të remitancave.

?Remitancat e emigrantëve janë ato që balancojnë nivelet e jetesës për shumë familje dhe kjo që pritet të ndodhë do të ndikojë edhe më shumë te ata? ? u shpreh Sulka.





Lajmet e fundit nga