E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

“Ekonomia është dëmtuar rëndë”/ Shano akuza të forta qeverisë

5 Maj 2020, 16:15, Ekonomi CNA

Eksperti i ekonomisë, Dritan Shano, shprehet se në këto dy muaj pandemi, ekonomia shqiptare është dëmtuar shumë rëndë.

Shano akuzon qeverinë se është treguar tinzare dhe sipas tij, mbi 70 përqind e bizneseve dhe njerëzve nuk kanë marrë asnjë ndihmë, madje është nxitur varfëria.

?Qeveria ka mbyllur ekonominë, ka ndaluar cdo gjë, ka thënë se do japë ata që i quan paga lufte, por unë i quaj paga e zborit, se është zbor dhe ata nuk janë marrë shumica. Edhe Rama ka thënë se paketat kanë pasur probleme. Gjithë situata është mbajtur nga kursimet që kanë pasur shqiptarët e jo nga qeveria. Kjo qeveri vetëm ka rritur taksa, duke iu marrë para shqiptarëve e nuk i ka kthyer dot, në këto 2 dy muaj nuk ka kthyer as 100 mijë euro, kur ka marrë shumë para.

Shqiptarët dhe bizneset kanë mbajtur koston e kësaj situate të pazakontë. Ekonomia shqiptare është në një situatë të rëndë. Qeveria duhet të ndihmojë biznesin, pasi biznesi mund të ripërtërijë ekonominë. Hipoteza e qeverisë se ndihma ndaj njerëzve është e mirë, është gabim. Kete gafë pseudo ideologjike më duket se qeveria e ka bërë me qëllim. Qeveria dha koncesion në Porto Romano, ku një privat mori të drejta për pronë që iu takon shqiptarëve.

Kjo është sjellje që rëndon në kurriz të shqiptarëve. Kjo tregon se qeveria nuk është me bizneset e me popullin shqiptar. Qeveria është treguar tinzare ndaj bizneseve. Me garancinë sovrane, qeveria ka nxitur varfërinë. Mbi 70 përqind e bizneseve dhe njerëzve nuk kanë marrë asgjë?, u shpreh Shano./CNA.al