web counter
LEXO PA REKLAMA!

SHKARKO APP

App Store
Google Play

"Ekonomia pësoi shok në prill"/ Ahmetaj: Numrin e të papunëve do ta shohim më 21 maj

13 Maj 2020, 20:35, Ekonomi CNA

Ministri i ngarkuar për situatën ekonomike nga koronavirusi, Arben Ahmetaj, nuk ka dhënë një numër të papunësisë në vend.

Ahmetaj tha se numrin e saktë të të papunëve do ta mësojmë më 21 maj, ndërsa theksoi se prilli ishte muaji më dominant kur ekonomia ka pësuar shok.

“Numri i saktë do të dalë më 21 maj gjithë papunësia e periudhës mars- prill. Kjo ka të bëjë me listapagesat dhe kontributet. Do të shohim saktë çfarë kemi humbur. Nëse do i referohemi jo bizneseve të mbyllura, por për marsin papunësisë pra largimit nga listpagesat. Papunësia e shtuar ishte 9 mijë vetëm në mars. Prilli është më dominant. Ishte kulmi, shoku ekonomik që shkon nga kërkesa, se është goditur në themel kërkesa, qoftë me faktor të jashtëm dhe të brendshëm dhe këtu shihet prodhuesi duke përfshirë edhe turizmin, kërkesa e brendshme, konsumi apo reflektimi në uljë të importit. Në prill lëvizjet import- eksport janë më domethënëse. Saktësisht do jetë shifra më 21 maj”, u shpreh ai në emisionin “Real Story”.

Sipas tij, pavarësisht gjurmëve që ka lënë Covid-19, ekonomia do ta rimarrë veten në mënyrë të shpejtë.

“Volumet nuk janë më aq të thella dhe mendoj që ekonomia shqiptare pa marrë për 1 sekondë faktorët ekzogjenë do ketë ringritje shumë më të shpejtë. Ky vit nuk do jetë me rritje plus por do ja dalë Shqipëria me simplicitetit të ekonomisë. Industri bazike që ngrihen shumë shpejt. Pas 2-3 muajsh ku ringritja në punësim do jetë shumë e shpejtë”, nënvizoi ministri./ CNA.al





Lajmet e fundit nga