E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Sherr me të dashurën, lojtari i Partizanit përfundon në polici

11 Maj 2020, 07:19, Sport CNA

Telashet nuk kanë të sosur për mesfushorin venezuelian të Partizanit, Aristoteles Romero, i cili të shtunën ka përfunduar i shoqëruar nga uniformat blu në Komisariatin Nr.2 të kryeqytetit. ?Panorama Sport? mëson se shkak për këtë shoqërim në polici ka qenë debati me tone të larta që futbollisti ka patur me të fejuarën e tij. Duket si ironi fati, pasi çifti kishte lënë të kuptohej se ishin shumë të lidhur me njëri-tjetrin, pasi në postime të ndryshme në rrjetet sociale Romero përgatitej në kushte shtëpie duke mbajtur të dashurën mbi shpinë. Duket se izolimi i gjatë nga karantina e ka futur çiftin në krizë gjersa ata janë detyruar për ta zgjidhur problemin e tyre në polici.

?Panorama Sport? ka mësuar se mes çiftit ka patur një debat të ashpër në apartamentin e tyre që klubi paguan një shumë të majme për akomodimin. Në kushtet e frikës, e fejuara e lojtarit, Raulimar Diaz, ka kërkuar ndihmën e uniformave blu të kryeqytetit, të cilat menjëherë kanë mbërritur në vendngjarje. 24-vjeçari është shoqëruar më pas në ambientet e Komisariatit Nr 2, ku është marrë në pyetje në lidhje me problemin. Palët kanë sqaruar situatën, por Romero ka qenë me fat në këtë rast, pasi e fejuara e tij e ka shmangur denoncimin për dhunë apo kërcënim, gjë e cila mund të rëndonte pozitën e futbollistit të Partizanit, që në 2020-ën mbahet mend jo në fushë, por për polemikat që ka patur me klubin për situata të ndryshme, ku edhe është penalizuar në aspektin sportiv dhe financiar.

Pra, bëhet fjalë vetëm për një përplasje verbale dhe jo dhunë fizike. Gazeta është munduar të marrë një prononcim nga lojtari për të sqaruar situatën dhe shkaqet që sollën përplasjen në çift, por Romero nuk ka pranuar të flasë për momentin, pasi kërkon ta mbajë si çështje personale. I ndodhur në kushte të vështira psikologjike, për shkak të karantinës dhe raportit aspak pozitiv që futbollisti ka patur kohët e fundit me klubin, si dhe reduktimet e përfitimeve financiare që Partizani ka bërë në këtë periudhë nga pandemia, mund të jenë akumuluar te venezueliani,i cili nuk është përmbajtur duke ulëritur dhe debatuar me tone të ashpra me të dashurën e tij.

LIRIMI- Pas pyetjeve dhe ballafaqimit të palëve në ambientet e policisë për disa orë, mesfushori nga Venezuela në mesditën e së shtunës është lënë i lirë nga uniformat blu, por duke zbatuar edhe disa këshilla. Duke mos patur kallëzim, uniformat blu vendosën një urdhër mbrojteje 10-ditor për Diaz, që Romero duhet ta zbatojë, në të kundërt problemet ligjore mund të shtohen për lojtarin e Partizanit. Pas lirimit nga ambientet e Komisariatit Romero ka shkuar në shtëpinë e tij, ku në rrjetet sociale ka shpërndarë edhe video duke treguar se ndodhej në apartament, madje edhe në shoqërinë e miqve të afërt.