web counter
LEXO PA REKLAMA!

SHKARKO APP

App Store
Google Play

Stërvitja e parë e Keidi Bares te Malaga nuk është aspak e zakonshme

9 Maj 2020, 14:41, Sport CNA

Futbolli spanjoll është kthyer në fushë dhe kanë nisur përgatitjet e rinisjes së kampionatit. Skuadrat e LaLiga dhe LaLiga 2 kanë zbritur në fushë nën masa të rrepta higjene dhe distancimi. Mes tyre edhe Malaga, ku luajnë dy lojtarët e kombëtares sonë Sadiku dhe Bare. Vetë klubi bardheklatër ka pubilikuar ditën e sotme një video, ku në shumicën e kohës shfaqet Bare dhe rrugëtimi i tij deri në fushën e stërvitjes.

Është gjithçka e parashikuar në detaje. Me zbritjen nga makina Bare dezinfekton duart e më pas pajiset me maskë dhe doreza të ofruara nga klubi. Pas kësaj ai zbret menjëherë në fushën e lojës dhe zë një pjesë të fushës, ku stërvitet i veçuar nga Sadiku, Huankar, Renato Santos dhe Aronn Nigez. Nuk ndodh që ata të takohen me njëri-tjetrin gjatë stërvitjes, teksa që në fund të trajnimit, një pjesëtar i stafit merret me dezinfektimin e çdo materiali stërvitor të përdorur nga lojtarët, përfshirë edhe këpucët.

Ndërkohë në një nga disa video të publikuara nga klubi, është golashënuesi i ekipit, Armando Sadiku, i cili tregon për tifozët se skuadra është kthyer në stërvitje. ?Pas gati dy muajsh kthehemi të stërvitemi në stadiumin ?La Rosaleda? dhe të gjithë jemi shumë të lumtur. Forca Malaga?, shprehet sulmuesi i kombëtares sonë.





Lajmet e fundit nga