E fundit!

22:46 Aktualitet

Deklarata e Paunoviç/ Sveçla: Nuk është personale, reflekton qëndrim të Serbisë

Ministri i Brendshëm në Kosovë, Xhelal Sveçla ka folur mbr...

Nexhipi shpërthen kundër Tiranës: Të ndërhyjë shteti, stërviten fshehurazi

9 Maj 2020, 07:47, Sport CNA

Nderim Nexhipi shpreson që kam pionati të rifillojë një orë e më parë, por i kërkon FSHF-së të paktën 3 javë kohë për t?u përgatitur. Në një intervistë të dhënë ekskluzivisht për ?Panorama Sport?, drejtori sportiv i Kukësit preku të gjitha temat që e shqetësojnë komunitetin e futbollit në këtë moment. Është kundër ndryshimit të skemës, nëse sezoni mbyllet këtu. Parapëlqen formulën me 10 ekipe, që sipas tij, prodhon gara më të fortë.

Në fund komenton edhe rivalin e drejtpërdrejtë për titullin, që është duke u stërvitur kundër rregullave të vendosura nga qeveria. Zyrtari i verilindorëve nuk e quan aspak të mirë faktin që Tirana është duke u stërvitur, në një kohë kur ata vetë po respektojnë masat në kohë pandemie.

Pas dy muajsh pa futboll, a beson Nexhipi që do të rinisë kampionati?

Dy muaj pa futboll janë vërtet shumë, gjë që nuk ka ndodhur kurë më parë dhe për rrjedhojë nuk jemi mësuar. Por, duke parë veprimet e fundit të federatës dhe ministrisë, jam optimist. Tani shpresojmë për një vendim të sa më të shpejtë për të rikthyer futbollin. Nëse do të nisë, kërkojmë minimumi 3 javë përgatitje, pasi dy muaj janë shumë dhe rrezikon futbollistët me dëmtime. Një orë e më parë duhet dhënë një datë që edhe ne të kemi një plan konkret.

Në komunikimet që keni pasur së fundmi me FSHFnë, çfarë ju kanë thënë?

Kemi qenë dhe jemi në kontakt të vazhdueshëm me FSHF-në. Prisnim ndonjë vendim, por edhe ata nuk kanë çfarë të na thonë. Sikundër edhe dihet, në një situatë të jashtëzakonshme gjithçka varet prej qeverisë. Mendonim se do të nisnim më herët stërvitjen në grupe të vogla, duke parë që situata është menaxhuar mirë dhe nuk kemi pasur pasoja shumë të rënda nga virusi si në vendet e tjera. Gjithsesi, është hap pozitiv bashkëpunimi mes FSHF-së dhe qeverisë dhe tani presim një vendim pozitiv që të nisim sa më shpejt.

Gjatë karrierës suaj si futbollist, a kujtoni ndonjë ndërprerje kaq të gjatë nga aktiviteti për shkaqe kaq madhore?

Të them të drejtën, si unë dhe shumica e sportistëve apo njerëzve të thjeshtë nuk e kemi kaluar një situatë të tillë. Një ndërprerje kaq e gjatë gjithë jetën shoqërore e njerëzore është e paprovuar. Të gjithëve na ka habitur kjo gjendje. Ka qenë shumë e papritur. E megjithatë, mund të them që e kemi kaluar mirë këtë pandemi dhe tani me qetësi dhe me protokolle strikte shpresojmë ta tejkalojmë përfundimisht këtë situatë.

Nëse qeveria refuzon të japë leje për rifillimin e futbollit, si mendoni se duhet të jepen verdiktet sezonale nga ana e federatës?

Kur pashë që qeveria nuk po reagonte për pak ditë, thashë me veten se nuk do të nisnim. Por zhvillimet e fundit dhe fakti që në disa vende europiane kanë vendosur që futbolli të luhet, më dha mjaft shpresë. Tani jam i bindur që do të startojmë, ndaj nuk na mbetet vetëm që të presim datën që të rikthehet futbolli. Mendoj se do të zhvillohet kampionati dhe FSHF nuk do të jetë e detyruar që të japë verdikte në tavolinë.

Trajneri i Skënderbeut, Ilir Daja, ka bërë thirrje që sezoni i ri të bëhet me 12 ekipe, duke shmangur rëniet nga kategoria. A do të ishit edhe ju dakord me këtë formulë?

Pas këtyre ndodhive e theksoj që kampionati do të nisë dhe nuk do të jetë e nevojshme që verdiktet mund të jepen në tavolinë. Jam për 10 ekipe, pasi kampionati është më i fortë dhe është formulë më e mirë. Kështu mendoj unë të paktën.

Keni edhe 7 lojtarë jashtë kufijve, kur do të zgjidhet çështja e riatdhesimit të tyre?

Kemi nisur kërkesat dhe presim përgjigjet. Por, kjo është një çështje jo vetëm jona, pra që nuk varet nga ne, pasi shumë shtete kanë mbyllur kufijtë dhe ka qenë i pamundur kthimi, sidomos për lojtarët joshqiptarë. Nga dita në ditë presim të ndryshojnë gjërat dhe t?i kemi lojtarët sa më shpejt në Tiranë.

Pse besoni se mund ta përmbysni Tiranën në luftën për titull?

Normal që do besojmë deri në fund, derisa e lejon matematika. Kemi një ekip me shumë kualitet dhe të gjithë ne besojmë. Ndoshta mund të ketë njerëz që janë skeptikë, pasi mund të duket e pamundur kur sheh diferencat. Por do ta shohim kur të nisë kampionati se si do të vazhdojë gara dhe cili do të jetë ekipi më në formë.

Lojtarët e Tiranës kanë thënë se janë stërvitur rregullisht gjatë kësaj periudhe pandemie, madje për këtë është ankuar publikisht edhe presidenti i Skënderbeut, Ardjan Takaj. Ju si e gjykoni këtë veprim të rivalëve direkt?

Të them të drejtën edhe unë kam parë në lajme që lojtarë të Tiranës janë stërvitur, gjë që nuk është e mirë. Unë mund të flas për Kukësin dhe di të them që klubi ynë i ka zbatuar rregullat rreptësisht. Nuk kemi dalë në stërvitje, qoftë edhe në grupe të vogla. Jemi përgatitur individualisht dhe ?online?.

Unë nuk mund të them që është e ndershme apo e pandershme, pasi duhet të ishte shteti ai që do të ndërhynte në qoftë se lojtarët e Tiranës janë stërvitur rregullisht në grupe të vogla apo në grupe me më shumë lojtarë. Unë flas për Kukësin, ne i kemi respektuar rregullat dhe deri në këto momente nuk kemi dalë në stërvitje me grupe. Në momentin që qeveria do ta lejojë këtë gjë, do të rikthehemi në fushë, duke u stërvitur maksimalisht.