web counter
LEXO PA REKLAMA!

SHKARKO APP

Mesfushori i huazuar nga Partizani sfidon koronavirusin dhe debuton sot në kampionat

9 Maj 2020, 08:27, Sport CNA

Mesfushori i Partizanit, Alesio Hyseni u huazua në merkaton e janarit te skuadra e Kl Klaksvik në Ishujt Faroe. 23-vjeçari do të zbres sot në fushë, për të luajtur ndeshjen e parë të kampionatit ndaj B36 Torshavan.

Shqiptari nisi gjithçka mirë, duke gjetur rrugën e rrjetës me 11-metërsh në ndeshjen e Superkupës, por pastaj starti i kampionatit u shty për shkak të pandemisë së koronavirusit, ndërkohë që do të rifillojë ditën e sotme.

Kujtojmë që Hyseni ishte ishte i pranishëm në fushë në derbin ndaj Tiranës, që u luajt në muajin dhjetor, teksa më pas u transferua në Ishujt Faroe për të nisur një aventurë të re. Hyseni është titular i padiskutueshëm të skuadra e Klaksvik.

Në këto muaj të vështirë pandemie, ku futbolli ka qenë i gjunjëzuar, në Ishujt Faroe ku ka pasur pak më shumë se 180 të infektuar dhe zero të vdekur nga koronavirusi.

Ndeshjet do të luhen me dyer të mbyllura, ndonëse për vetëm 4-5 javë. Nuk lejohet të pështyhet në fushë apo të shfrysh hundët. Edhe topi do të dezinfektohet para nisjes së sfidës.





Lajmet e fundit nga