web counter
LEXO PA REKLAMA!

SHKARKO APP

App Store
Google Play

E fundit!

x

Kaos në futbollin shqiptar, Sindikata takon lojtarët: Nuk paguhen prej muajsh

9 Maj 2020, 12:47, Sport CNA

Sindikata e Futbollistëve Profesionistë ka pasur një takim ditën e sotme me futbollistët e ekipeve të Kategorisë Superiore

Një nga problemet më të mëdha në klubet e Superiores janë pagat dhe pikërisht për këtë është diskutuar edhe ditën e sotme mes Sindikatës dhe lojtarëve. Në një deklaratë të Sindikata njofton se janë vënë në dijeni lojtarët se nuk paguhen prej muajsh, teksa në këtë moment presidentët e klubeve mosdhënien e pagave e kanë justifikuar me problemin e pandemisë.

Sot u zhvillua një takim me futbollistët të ekipeve të Kategorisë Superiore, me të cilët u diskutuan problemet që kanë sot futbollistet shqiptarë.

Në të gjitha diskutimet problematika kryesore ishte ajo e mos pagimit të pagave, situatë e cila nuk ka lindur gjatë periudhës së pandemisë, por që është rënduar më shumë në periudhën e pandemisë. Nga futbollistët jemi venë në dijeni se prej disa muajsh nuk paguhen, ndërsa në këtë periudhë mosdhënien e pagave presidentet e kanë justifikuar me problemin e pandemisë.

Në këtë takim u vendos që prioriteti kryesore i futbollistëve shqiptar do të jetë nënshkrimi i kontratës kolektive midis FSHF dhe Sindikatës, me qëllim që problemet e konstatuara në këtë mbledhje të marrin zgjidhje një herë e përgjithmonë. Për këtë arsye u përcaktua një kalendar veprimi, si dhe hapat gradualë që do të ndërmarrë Sindikata për realizimin e objektivit të saj?, shkruan SFPSH.





Lajmet e fundit nga