E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Biznesmeni Lul Morina, ndërtim pa leje në Dhërmi/ Shteti mbyll sytë para “bosit”

11 Maj 2020, 19:23, Aktualitet CNA

Biznesmeni Julian Morina, pronar në dy komplekse turistike në Dhërmi, duket se nuk mund t?i shpëtojë tendencës për të ndërtuar pa leje në zonën bregdetare e konsideruar si perlë e Jugut, nën neglizhencën totale të autoriteteve shtetërore.

Biznesmeni ka ndërtuar disa vite më parë kompleksin ?Morina Palace?. Më vonë, në të njëjtin territor ka nisur ndërtimin e kompleksit të viletave ?Drymades Dream?, së bashku me dy vëllezër indianë, të cilët ishin në kërkim, pasi akuzoheshin në vendin e tyre për mashtrim.

Në mes të këtyre dy objekteve, Julian Morina ka ndërtuar një ngrehinë dy-katëshe, rreth 60 metra e gjatë, për të cilën ?Boldnews.al? ka mësuar se është tërësisht pa lejen e organeve kompetente.

Redaksia ka siguruar gjithashtu edhe foto nga kjo ndërtesë, e cila është ?fshehur? mes hotelit funksional ?Morina Palace? dhe kompleksit që është në ndërtim ?Drymades Dream?.

Kjo godinë dy-katëshe, pavarësisht se nga fotot duket se nuk është në standartin e hotelit luksoz, gjithësesi ajo mund të shërbejë shumë mirë për të mirëpritur pushues, të cilët kanë treguar se nuk e kanë aspak problem të shpenzojnë shuma të mëdha për të shijuar mrekullinë e bregut të Himarës.

Godina pa leje është e dukshme me sy të lirë nga kushdo që kalon në zonën mes ?Morina Palace? dhe ?Drymades Dream?.

Inspektorët lokalë të policisë dhe të Bashkisë së Himarës duhet ta kenë shumë të thjeshtë për ta konstatuar ndërtimin pa leje.

Por, deri më tani, duket se autoritetet shtetërore kanë zgjedhur që të ?mbyllin sytë? përpara biznesmenit, për të cilin, siç përmendet në fshatin jugor, ka lidhje të ngushta me kryeministrin Edi Rama dhe vëllain e këtij të fundit, Olsi Rama.

Ndërkohë, kronikat televizive janë mbushur me ?super-angazhimin? e policisë për të identifikuar të rinj që ?thyhen? rregullat e karantinës dhe dolën bregut të detit për të shijuar ajrin e pastër.

Por, të njëjtën zyrtarë policorë, të cilët përndoqën të rinjtë, nuk kishin aspak mundësi të hidhnin vështrimin mbi ndërtimin gjigand pa leje të Lul Morinës.

Efektivët e policisë nuk mund të guxojnë të shohin paligjshmërinë e biznesmenëve, për të cilët thuhet se kanë lidhje me kryeministrin. Uniformat blu janë të detyruara të merren me ?thyerjen e karantinës?, për të mos penguar paligjshmëritë e ?bosëve? të ndërtimit dhe bregdetit.

Banorët e Himarës kanë një arsye më tepër për këtë neglizhencë të policisë. Sipas tyre, ?paprekshmëria? e Lul Morinës ?garantohet? në terren nga Drejtori i Policisë së Qarkut Vlorë, Artion Duka.

Biznesmeni Julian Morina (Lul Morina) ka qenë edhe më parë personazh i kronikave problematike. Trualli mbi të cilën po ndërtohet ?Drymadhes Dream? ka pasur probleme me pronësinë, referuar raportimeve të ndryshme mediatike.

Megjithatë, konflikti është zgjidhur në favor të kompanisë që po ndërton kompleksin turistik.

Kompania ?Drymades Dream? është regjistruar në vitin 2017 nga Jorgji Ruci dhe Besnik Dervishi, ish-prefekt i Vlorës dhe aktualisht Komisioneri për të Drejtën e Informimit.

Më pas, kompania iu shit Julian Morinës. Ky i fundit, në Janar 2019 ia shiti 50 përqind të aksioneve kompanisë ?Laxmi reale estate & investment?, që drejtohej nga vëllezërit me shtetësi indiane, Nitin dhe Chetankumar Sandesara.

Në kohën që ata u shpallën në kërkim, vëllezërit nga India nënshkruan një kontratë shkëmbimi trualli me biznesmenin Julian Morina.

Vëllezërit Sandesara hoqën dorë nga pjesa e tyre në ?Drymades Dream?, duke ia kaluar aksionet e tyre në pronësinë e shoqëria ?Rinia 04?, e cila është në pronësi të Julian Morinës. Ky i fundit u dha një truall tjetër në Tiranë biznesmenëve indianë.

Nëpërmjet këtyre transaksioneve, biznesmeni Julian Morina është zotërues 100 përqind i shoqërisë ?Drymades Dream?./Boldnews.al