web counter
LEXO PA REKLAMA!

SHKARKO APP

App Store
Google Play

E fundit!

x

Shtyrja e datës së zgjedhjeve në Universitete/ Mynyr Koni: Procesi do jetë transparent

8 Maj 2020, 10:45, Aktualitet CNA

Rektori i Universitetit të Tiranës, Mynyr Koni ka reaguar pas vendimit të Ministrisë së Arsimit për shtyrjen e datës së zgjedhjeve në Universitet për Rektor dhe anëtarë senati.
Koni ka përshëndetur vendimin e MAS, që shtyu zgjedhjet për shkak të fatkeqësisë natyrore të shkaktuar nga pandemia e Covid 19.

Koni garantoi se procesi zgjedhor që do të zhvillohet në Universitetin e Tiranës, do të përmbushë të gjitha parimet kushtetuese; do të zbatojë ligjin e arsimit të lartë dhe se do të jetë një proces transparent dhe gjithëpërfshirës.

?Si Rektor i Universitetit të Tiranës, shpreh falenderimet dhe njëkohësisht përgëzimet e mia, për Ministren e Arsimit, Sportit dhe Rinisë, për nxjerrjen e Urdhërit nr.108 datë 08.05.2020, me të cilin, shtyhet data e zgjedhjeve për autoritetet dhe organet drejtuese në institucionet publike të arsimit të lartë, për shkak të gjendjes së fatkeqësisë natyrore të shkaktuar nga pandemia e Covid 19. Pas përcaktimit të datave nga Ministri i Arsimit, Sportit dhe Rinisë, për hapjen e procesit zgjedhor dhe datës së zhvillimit të zgjedhjeve, ju siguroj se autoritetet dhe organet drejtuese të Universitetit të Tiranës, do të vijojnë në mënyrë të menjëhershme me përgatitjen e zgjedhjeve, me qëllim zhvillimin e tyre sipas të gjitha hapave dhe procedurave ligjore, të përcaktuara në Rregulloren e Zgjedhjeve.
Procesi zgjedhor që do të zhvillohet në Universitetin e Tiranës, do të përmbushë të gjitha parimet kushtetuese; do të zbatojë ligjin e arsimit të lartë 80/2015 dhe të gjitha aktet nënligjore në fuqi; do të jetë një proces transparent dhe gjithëpërfshirës?, shkruan Koni./CNA.al





Lajmet e fundit nga