E fundit!

09:56 Politikë

Konferenca dy ditore në Poloni për Rindërtimin e Ukrainës/ Rama mes liderëve pjesëmarrës

Kryeministri Rama do të marrë pjesë në Konferencën për Rin...

Foto-video/ Rruga Korçë-Ersekë, investimi i braktisur i qeverisë prej 8 vitesh

10 Maj 2020, 11:29, Aktualitet CNA

Ndonëse kanë kaluar më shumë se 8 vite që nga fillimi i punimeve, ende nuk ka asnjë dritë jeshile për përfundimin e rrugës Korçë-Ersekë.

Projekti për lidhjen e Korçës me Ersekën, i ndarë në tre lote, nisi në vitin 2013 me një fond 22 milon euro.

Pjesa më e vështirë e saj është projektuar me tri korsi; dy në ngjitje dhe një në zbritje, me qellim përballimin e kushteve atmosferike që ka zona, borën e madhe dhe temperaturat e ulëta.

Në qershor të vitit 2019, kur përfundoi loti i parë i rrugës, 17.6 kilometra, dy ministrat pjesëmarrës në përurimin e përfundimit të kësaj pjese rruge, Damian Gjiknuri dhe Elisa Spiropali premtuan vazhdimin e punimeve edhe për dy lotet e tjera me qëllim përfundimin sa më shpejt të rrugës.

Mirëpo që nga ajo ditë e deri më sot, edhe pse ka kaluar më shumë se një vit, punimet në lotin e dytë ende nuk kanë filluar, për lotin e tretë nuk bëhet fjalë.

Kjo rrugë nacionale që lidh më shumë se 20 mijë banorë të rrethit të Kolonjës me Korçën mbetet një prioritet për këtë zonë e cila në mungesë të saj ka vështirësi për t?i dërguar produktet bujqësore në treg apo për të pritur turistë.

CNA.al, në vazhdën e investigimeve për projektet e braktisura të Rilindjes, siç është ai 120 milion eurosh i Qukës ?Qafë Plloçë, është ndalur sot në këtë aks, për të sjellë me fakte atë çka po ndodh me investimin Korçë-Ersekë.

Ky investim do jepte një impakt të madh në zhvillimin e një nga zonave më të varfëra në vend. Kjo rrugë dhe segmenti Qukës-Qafë Plloçë nuk do e linin më Kolonjën si vend periferik, por do i jepte zhvillim ekonomik në turizëm e bujqësi.

Distanca me kryeqytetin do ishte jo më shumë se 2 orë e 30 minuta në një gjatësi prej 150 km./CNA.al