web counter
LEXO PA REKLAMA!

SHKARKO APP

App Store
Google Play

Propagandë me pandeminë/ Neritan Ceka: Masat e qeverisë janë ekstreme

29 Prill 2020, 18:43, Politikë CNA

Ish kryetari i Aleancës Demokratike, ish deputeti, ambasadori dhe historiani Neritan Ceka, ka kritikuar masat e qeverisë për përballimin e situatës nga Covid-19, ndërsa u shpreh hapur dhe kundër ndryshimeve në Kodin Penal.

Sipas Cekës këto ndryshime janë të përkohshme pasi nuk do të zbatohen, ndërsa i konsideroi masat si një propagandë e panevojshme.

 ?Ajo që pësoi më shuam Shqipëria në këtë periudhë, ishte informaliteti. Një pjesë e mirë është e punësuar në mënyrë informale dhe në këtë periudhë ata janë gjendur të papunë dhe kanë hasur vështirësi. Shpresoj që nëse do të hapen, mendoj se ka ardhur koha për tu hapur, sidomos zonat që nuk janë prekur. Mendoj që vetë shifrat, japin mundësi që të ketë një hapje më të shpejtë të ekonomisë.

Duhet të ketë një heqje gjobat dhe të bëhet një amnisti fiskale jo për ata që kanë grumbulluar para jashtë Shqipërisë, por për ata që janë gjobitur. Për sa u përket ndryshimeve në Kodin Penal do të jenë të përkohshme dhe nuk do të zbatohen. Këto masa janë propagandë e panevojshëm për këtë kohë. Masat që janë parashikuar janë ekstreme dhe janë dhunë, në kufijtë e kushtetutës. Presidenti ka dhënë një shenjë të vullnetit të mirë, por në raste të tjera nuk do t?i miratonte.?/CNA.al

 





Lajmet e fundit nga