web counter
LEXO PA REKLAMA!

SHKARKO APP

App Store
Google Play

Koronavirusi “gjunjëzon” ekonominë shqiptare/ Mbi 50% e popullsisë në kushte ekstreme, zgjidhja që duhet të japë qeveria

22 Prill 2020, 06:25, Politikë CNA

Kryetari i Partisë Demokratike, Lulzim Basha është shprehur sot se pandemia e koronavirusit ka goditur rëndë ekonominë shqiptare. Në një lidhje direkte në ABC e mëngjesit me Enkel Demin, Basha tha se më rëndë janë goditur ata që ishin të varfër edhe para pandemisë, të cilët sipas tij janë rreth gjysma e popullsisë.

?Gjendja e familjeve shqiptare është e vështirë qoftë edhe për të blerë bukën e gojës.

Biznesi i vogël, biznesi familjar dhe prodhues janë në ditën e tyre më të zezë.

Shteti duhet të zgjidhë qesen dhe ato para që ua jepte oligarkëve ti kthejë në subvencione për njerëzit dhe biznesin.

Biznesi, sipërmarrja, të vetëpunësuarit janë dëmtuar për shkak të masave që ka vënë qeveria, pra përgjegjëse është qeveria. Nëse nuk e bëjmë këtë, rënia e konsumit që sjell një rënie të mëtejshme të gjendjes ekonomike do të na sjellë një dëm akoma më të madh, prandaj e vetmja rrugë është që qeveria të braktisë çdo shpenzim të panevojshëm dhe këto para ti cojë tek qytetarët dhe ekonomia që ti dalë përpara të keqes?-tha Basha.

Më tej, Basha tha se ?Ky është momenti, qeveria i ka duart e zgjidhura, për këtë vlen edhe gjendja e emergjencës, e cila vlen për tiu ardhur në ndihmë njerëzve e një nga këto mënyra është anullimi i koncesioneve për të ndihmuar njerëzit në nevojë. Së pari ata që ishin të varfër edhe para pandemisë, imagjinoni si janë ata, dhe ata janë gjysma e popullsisë. Tani ushtrisë së të pamundurve i është shtuar edhe shtresa e mesme. Edhe biznesi i vogël dhe ai familjar janë goditur rëndë, dhe tani është momenti për tiu ardhur në ndihmë?./ CNA.al





Lajmet e fundit nga