web counter
LEXO PA REKLAMA!

SHKARKO APP

App Store
Google Play

E fundit!

x

"Fitimet janë në pikëpyetje"/ Bregu: BE ka humbur 1 miliardë euro në muaj

21 Prill 2020, 21:14, Politikë CNA

Sekretarja e Përgjithshme e Këshillit për Bashkëpunim Rajonal, Majlinda Bregu, tregoi mbrëmjen e sotme se kanë bërë një studim lidhur me situatën ekonomike të krijuar për shkak të pandemisë.

Duke iu referuar të dhënave dhe informacioneve që kanë marrë, Bregu tha se sot një në pesë udhëtime raportohet si i kanceluar dhe 42% e agjencive turistike kanë shkurtuar stafin.

Ajo deklaroi se fitimet ekonomike nga turizmi janë në pikëpyetje, ndërsa theksoi se vetë BE ka humbur 1 miliardë euro në muaj.

“Në 520 mijë të punësuar në sektorin e turizmit në rajon, të cilët në periudhat e pikut të verës sigurisht që shtohen, 42 përqind e agjencive turistike që ne kemi pyetur thonë që kanë nisur shkrutimet në stafin e tyre.  10.2% e GDP në të gjithë Ballkanin Perëndimor vjen nga turizmi. Sot po raportohen, jemi në një moment kur analizat e para sa po dalin. Greqia sapo ka filluar të raportojë që ka gjysmë miliardi dëme nga fillimi kur nisi karantinimin deri në Prill, ndërkohë që Italia edhe pse nuk është pjesë e Europës Juglindore ka një humbje që llogaritet në 7.5 miliardë në periudhën Mars- Maj. Vetëm Pashkët sa dëm kanë sjell. Vetëm ai Vatikani i boshatisur sa dëm ka sjellë në ekonomi.  Vetë BE llogarit një humbje 1 miliardë euro në muaj, ndërsa ne në gjashtëshen tonë të Ballkanit Perëndimor, në rast se kemi patur një fitim vjet në 7.1 miliardë euro, sot ky fitim është në pikëpyetje të madhe, vende pune më shumë të shkurtuara, bare, restorante të mbyllura dhe lëvizje më e pakët e njerëzve?, tha Bregu në një lidhje me emisionin “Opinion”./ CNA.al





Lajmet e fundit nga