web counter
LEXO PA REKLAMA!

SHKARKO APP

App Store
Google Play

Rama-qytetarëve/ “Mblidhni mendjen, pa masat do qanim të vdekurit sot”

21 Prill 2020, 16:17, Politikë CNA

Kryeministri Edi Rama njoftoi sot lehtësimin e masave duke nisur nga e hëna për shumë biznese, hapjen e qarkullit brenda qyteteve dhe një një vendim të ri deri më 4 maj për shkollat.

Në komunikimin e tij në rrjetet sociale, kreu i qeverisë i kërkoi dhe qytetarëve të mos ankohen se pse ndryshojnë shpesh rregullat, pasi sipas tij, nëse nuk do të ishin marrë masat, nuk do të mërziteshim por do të qanim shumë të vdekur dhe shumë të plagosur nëpër shtretërit e spitaleve tona.

?Ne kemi hyrë në një kthesë graduale duhet të bëjmë që të gjithë pak durim. Çdo rritje shpejtësie mund të na kushtojë shumë. Duhet të jemi të vetëdijshëm se ekziston pas çdo hapi mundësia e heqjes së frenave dhe numri i të infektuarve të rritet jashtë normales. Ne kemi modelin tonë të parashikimit tonë të numrave dhe do të na udhëheqë në vendimarrjet tona.

Nëse nuk do të kishim marrë masat, nëse do ta kishim ulur kurbën e epidemisë nën parashikimin tonë më optimist, sot nuk do të mërziteshim por do të qanim shumë të vdekur dhe shumë të plagosur nëpër shtretërit e spitaleve tona.

Po ta marrim modelin statistikor italian do të kishim afër 50 mijë të prekur dhe do ta kishim të pamundur terapinë.

Nëse nuk vazhdojmë të bëjmë deri në fund detyrën mund të ndodhë shumë më keq se ka ndodhur, ky është fakt. Duhet ta ndajmë mirë mendjen që normaliteti i ri nuk do të jetë normaliteti që kishim përpara se të hyjmë në këtë kohë të jashtëzakonshme. Do të duhet të kemi një sjellje të re në raport me sigurinë dhe t?i imponojmë njëri-tjetrit të gjitha ato kushte dhe rregulla?, tha Rama./CNA.al

 





Lajmet e fundit nga