web counter
LEXO PA REKLAMA!

SHKARKO APP

App Store
Google Play

E fundit!

x

Skandali- Shqipëria në karantinë/ Koncesionari i Rinasit urdhëron hapjen e bizneseve

21 Prill 2020, 11:37, Politikë CNA

CNA.al ka siguruar dokumentet ekskluzive, të cilat tregojnë se koncesionari i Rinasit urdhëron hapjen e bizneseve, pavarësisht situatës që ndodhet vendi për shkak të koronavirusit.

Ndërkohë që qeveria ka shpallur Gjendjen Fatkeqësisë Natyrore, dhe shqiptarët janë mbyllur në shtëpi, masa këto të ndërmarra nga qeveria kundër përhapjes së Covid-19, koncesionari i Rinasit ka urdhëruar bizneset të fillojnë punën.

Një akt skandaloz dhe fakte konkrete që tregojnë sesi një biznes kapet në shkelje.

Së pari, Rinasi nuk ka më fluturime që prej shpalljes së gjendjes së emergjencës dhe mbylljes së kufijve. Të vetmet kanë qënë fluturimet e rralla të ?Air Albania?.

Por mesa duket koncesionarit të Rinasit, nuk i bën përshtypje asgjë. Ai urdhëron hapjen e bizneseve. Por se kush do hyjë, kush do dalë, kush do shesë e kush do blejë, këtë nuk di ta thotë kush, pasi Rinasi është një ?qelizë? e mbyllur, pa jetë.

Dhe nga ana tjetër, veprimi dhe dokumentet janë akte që tregojnë papërgjegjshmëri dhe shkeljen e hapur të ligjit.

Ky është sërish një nga ato rastet, për të cilat prokuroria nuk duhet të heshtë. Nuk mund të bëjë sikur nuk shikon dhe nuk dëgjon përballë një skandali të tillë.

Prokuroria duhet të jetojë dhe përgjegjësit të mbajë të gjitha përgjegjësitë ligjore, sepse në këtë rast duket qartë se koncesionari i Rinasit është mbi shtetin shqiptar.

Të gjithë janë të mbyllur nëpër shtëpi, në karantinë, bizneset po vuajnë, por koncesionari i Rinasit urdhëron bizneset të shkojnë të punojnë./ CNA.al





Lajmet e fundit nga