web counter
LEXO PA REKLAMA!

SHKARKO APP

App Store
Google Play

E fundit!

x

Fabian Topollaj zbulon “skemën”/ Pse guxon Rama të tallet me opozitën?

20 Prill 2020, 19:56, Politikë CNA

Anëtari i Bordit Drejtues të Bindjes Demokratike, Fabian Topollaj, shprehet se nëse opozita do të ishte brenda institucioneve Rama nuk do guxonte të tallej me ta. Kjo sipas tij, sepse do të kishte nevojë për votat e saj në Parlament që të mund të miratonte ndryshimet në Kodin Penal.

Kjo shpjegon dhe faktin se pse Mazhoranca ka ulur tonet me Presidentin Meta dhe vazhdon qesëndis cdo propozim që vjen nga partitë e minorancës.

?Mendoj që nuk ka asgjë konspirative në faktin që Mazhoranca ka ulur tonet me Presidentin dhe vazhdon qesëndis cdo propozim që vjen nga partitë e minorancës. Kjo ndodh vetëm sepse ndryshe nga pjesa dërrmuese e opozitës që është jashtë sistemit institucional, Presidenti fatmirësisht është ende në zyrën e tij. I njejti fenomen ndodh dhe me kryebashkiaken e djathtë të Shkodrës.
Nëse Opozita sot do të qe brenda Institucioneve, Rama nuk do guxonte të tallej me të sepse minimalisht do të kishte nevojë për votat e saj në Parlament që të mund të miratonte ndryshimet në Kodin Penal. Si dhe bashkëpunimin e kryetarëve të bashkive të Opozitës me qëllim menaxhimin e situatës në cdo cep te Shqipërisë.
Për këtë arsye Presidentit dhe Zonjës Ademi qeveria ia merr ne konsideratë propozimet, siç ishte ulja e masës së dënimeve për veprat e thyerjes së karantinës apo shkarkimi i Prefektit të Shkodrës. Ndersa kjo nuk ndodh me kryetarin e PD edhe kur ai kërkon gjëra krejt të arsyeshme për tejkalimin e pasojave të epidemisë.
Sot më shumë se kurrë është e qartë se cfarë pasojash të rënda ka për opozitën dhe opozitarizmin e këtij vendi vendimi i partive kryesore te pakicës për të djegur mandatet dhe për të braktisur zgjedhjet vendore më shumë se një vit më parë.?/CNA.al

 





Lajmet e fundit nga