web counter
LEXO PA REKLAMA!

SHKARKO APP

App Store
Google Play

E fundit!

x

Amnistia fiskale/ Ylli Rakipi: Ka qëllim të fusë paranë e pisët, e fituar nga trafiqet e paligjshme

20 Prill 2020, 19:53, Politikë CNA

Gazetari Ylli Rakipi, ka kundërshtuar mbrëmjen e sotme amnistinë fiskale, pasi pretendon se eleminon garën.

Gazetari deklaroi në një lidhje me TvT se në këtë mënyrë mund të legalizohen paratë e fituara në të zezë, në të bardhë dhe ato të fituara nga droga.

Sipas tij, kryeministri Edi Rama ka si qëllim që të fusë paranë e pistë që është fituar nga trafiqet e paligjshme apo nga droga.

“Së pari, kjo amnisti eleminon garën. Ky sistem mbështetet mbi garën. Garë do të thotë të punosh dhe të paguash taksat sipas ligjit, t?ju përgjigjesh të gjithë detyrimeve. Kështu lëviz e gjithë shoqëria, në bazë të kësaj gare. Këtu bie gara, legalizohen paratë e fituara jashtë sistemit, në të zezë, në të bardhë, nga droga, të gjitha këto para të fituara jashtë sistemit. Nëse do të vendoset ky precedent, i thuhet shoqërisë një pjesë të punojë sipas ligjit dhe rregullit, pjesa tjetër të vërë fitime sa dhe si të dojë dhe ti ja legalizon në bankë, kundrejt një vlere qesharake.

Këtu qëllimi është, të futet paraja e pisët, e fituar nga trafiqet e paligjshme. Në SHBA, ndiqet me shumë rigorozitet punën e parave të pista. Paraja që vjen nga droga dhe trafiqet, ndiqet kudo dhe është nën kontroll të plotë të institucioneve ndërkombëtare. Shqipëria një shtet i brishtë, do të depozitojë paratë e krimit. Folët për domate dhe kastraveca, por emigranti merr 800 euro në Greqi, ja 1200 në Itali, apo 2 mijë në Britani, por këto para, një emigranti, i duhen për vete. Problemi është si të pastrohen paratë e drogës. Shqipëria nuk ka mbjellë perime, por drogë dhe këto para duhen pastruar. Sistemi bankar është po i tillë, sistem i korruptuar dhe i kompromentuar”, tha Rakipi./ CNA.al





Lajmet e fundit nga