web counter
LEXO PA REKLAMA!

SHKARKO APP

App Store
Google Play

E fundit!

x

"Qeveria ka dështuar"/ Basha: Shëndeti dhe ekonomia mund të bien në greminë

20 Prill 2020, 17:38, Politikë CNA

Kryetari i opozitës Lulzim Basha ka reaguar lidhur me vendimin e qeverisë për të shtyrë sërish gjendjen e fatkeqësisë natyrore.

Basha e cilëson këtë vendim si një tjetër provë të drejtpërdrejtë të dështimit të qeverisë.

“Kryeministri na shpjegoi pse e ka marrë këtë masë në raport me atë që duhet të bëjë për të mbështetur të prekurit nga kjo masë, sepse sa e shtyrjes së gjendjes së fatkeqësisë presupozon që qeveria do të vazhdojë të ushtrojë pushtetet e veta për të urdhëruar mbyllje të bizneseve apo reduktim të orareve. Pra, në masa shtrënguese kemi qenë të bollshëm, në komunikim në facebook kemi qenë të bollshëm, por deri më sot, qeveria dhe kryeministri kanë dhënë me pikatore ndihmën që qytetarët meritojnë, ndihmën financiare apo ushqimore për të cilat qytetarët dhe bizneset kanë më shumë se kurrë nevojë sot. Ndaj, nga kjo pikëpamje, shtyrja e gjendjes së fatkeqësisë natyrore është një tjetër provë e dështimit të qeverisë në këto 5 javë për t?u përballur me krizën”, u shpreh kryedemokrati.

Sipas tij, qeveria ka qenë e papërgatitur për të përballuar pandeminë dhe për këtë arsye paralajmëron se ekonomia dhe shëndeti i qytetarëve rrezikojnë të bien në greminë.

“Janë dhjetëra të infektuar në orët e fundit nga fasoneritë që vazhdojnë të jenë të hapura. Qeveria nuk ka asnjë plan dhe strategji për nxjerren e vendit nga kriza. Ekonomia po fundoset, ndërsa qytetarët nuk kanë marrë asnjë kacidhe. Shëndeti i njerëzve dhe ekonomia mund të bien në greminë”, nënvizoi lideri i demokratëve në një lidhje me Syri Tv./ CNA.al





Lajmet e fundit nga