web counter
LEXO PA REKLAMA!

SHKARKO APP

App Store
Google Play

Rama jep lajmin/ "Pavarësisht se do ktheheni në punë, pagat e luftës do merren edhe në muajt e ardhshëm"

20 Prill 2020, 14:32, Politikë CNA

Kryeministri Edi Rama ka treguar se edhe kategoritë që përfshihen në paketën e parë apo të dytë të qeverisë, por që do të kthehen në punë do t’i marrin paratë e premtuara nga qeveria.

Ai theksoi se pavarësisht se ata mund të jenë kthyer apo do kthehen në punë, sërish do të përfitojnë nga paketat në muajt në vijim dhe nuk do të lihen vetëm pasi xhiroja e tyre nuk do jetë maksimale.

“Pavarësisht se një numër i madhe i atyre që përfitojnë nga të dyja paketat kthehet në punë, është kthyer tani që flasim, do kthehet javën e ardhshme apo në javën pas saj, ne nuk do të tërheqim asnjë qindarkë mbrapsht, por të gjitha pagat e  premtuara do të shkojnë tek ata të cilët janë subjekt i paketës së parë apo paketës së zgjeruar. Për shembull, taksistët do fillojnë punë në javën e ardhshme, por ata do të vazhdojnë njëkohësisht të marrin pagën e luftës, ashtu sikundër edhe punonjësit e dyqaneve, punonjësit e tregjeve që më pas, më tutje jo javën e ardhshme do të hapen. Qoftë kategoria më e goditur dhe e goditur menjëherë dhe që nuk pati asnjë mundësi lëvizje as majtas as djathsttas, qoftë kategoria tjetër do të përfitojnë”, nënvizoi kreu i qeverisë në një lidhje me News 24./ CNA.al





Lajmet e fundit nga