E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ku mund ti gjejë lekët qeveria për të ndihmuar biznesin?!

20 Prill 2020, 10:20, Politikë CNA

Qeveria shqiptare po shfaqet e kujdeshme në paktetat që jep për mbështetjen ndaj biznesit. Bën propagandë se po jep 40 mijë lek të reja, pra 400 mijë lek të vjetra, për një punonjës për biznesin e vogël dhe deklaron se këto paketa shkojnë 100 apo 200 milion euro.

Në fakt qeveria i ka të gjitha mundësitë që të stimulojë, të investojë dhe të ndihmojë më shumë biznesin, sepse vetëm rritja e tij, rikthimi i tij në performancë edhe më të plotë se më parë, do t?i krijojë mundësi qeverisë që të ulë papunësinë dhe të sjellë ekonominë në nivelet e duhura. Disa nga qeveria na thonë se janë të pasurit që duhet të shesin makinat.

Pra, të pasurit të shesin makinat që të investojnë tek bizneset e tyre.

Në fakt kjo mund të ishte një zgjidhje për biznesin, por ja i shiti makinat dhe i pagoi rrogat për dy javë biznesi i madh. Po pastaj?

Në fakt më shumë makina sesa biznesi privat ka qeveria. Kryeministri ka benza luksozë dhe eskortë. Ministrat kanë benza luksozë, kryetarët e Bashkive kanë mjete, karburant shpenzojnë.

Mos do të ishte më mirë që të bëhej zero çdo shpenzim i tyre?

Pra, të mos lëvizin më me makina, të dalin në këmbë dhe shoferat t?i marrin rrogat, port ë punojnë për diçka tjetër në isntitucionet e tyre.

Ato mjete le të shiten. Do të mblidheshin disa miliona euro në ndihmë të biznesit. Ashtu sikundër mund të mblidheshin disa miliona euro duke ndalur dhe anulluar koncesionin e inceneratorëve. Qeveria ka paguar deri më sot të paktën 50 milion dollarë, vetëm për koncesionin e inceneratorit të Fierit dhe atë të Elbasanit. Në Elbasan vazhdon puna, ndërsa në Fier ende nuk ka përfunduar.

Në Tiranë ka një kontratë 128 milion euro.

A nuk do të ishte më mirë ta ndalonte, ta anullonte, ta rishikonte vlerën totaled he paratë e këtyre të kalonin për biznesin?

A nuk do të ishte më mirë që qeveria, jo vetëm të rishikonte koncesionin e Chek Up, por gjithashtu të bënte edhe një hap tjetër. Të linte me një pagë minimale, aq sa është ajo që vetë qeveria deklaron, zyrtarët e lartë të shtetit. Bordet, sh.a-të, buxhetet e tyre.

Pra, nuk ka pse kryebashkiaku jonë dhe kryeministri të paguhen me miliona dhe të na thonë se kanë lënë gjysmën e rrogës dhe se nga dy milion do të marrin një million. Aspak. Mund të marrin pagën minimale.

Dhe duke marrë pagën minimale, shumë rroga të tyre të cilat janë sa pesë apo 10 rroga minimale, mund të shpërndahen sërish për biznesin apo punëtorët.

Si këto tre apo katër që përmendëm më lart ka me dhjetëra. Prandaj, përpara se klounat e qeverisë të dalin dhe të sulmojnë biznesin se s?ka pse kërkon paketa dhe s?ka pse kërkon financim për të mbajtur punëtorët apo që do bëjë kështu e do bëjë ashtu. Do të ishte më mirë që të lërë luksin, të braktisë shpenzimet, t?i çojë në zero ato.

Rama, ministrat, Veliaj e të gjithë kryebashkiakët e tjerë me radhë, të dilnin me këmbë në punë ose me biçikletë se nuk i gjen gjë për disa muaj, dhe mjetet luksoze t?i braktisin.

Kështu do të kurseheshin disa dhjetëra milionë euro për të bërë paketa të reja ndihme, të cilat do ta stimulonin jo pak biznesin, por do t?i jepnin atij më shumë frymë.

Është më mirë të marrë frymë biznesi, sesa të zhgrryhet në luks pushteti./ CNA.al