web counter
LEXO PA REKLAMA!

SHKARKO APP

App Store
Google Play

E fundit!

x

"Sakrifica nuk është humbje"/ Kryemadhi: Masat e distancimit fizik s'duhet të na ndajnë shpirtërisht

19 Prill 2020, 07:44, Politikë CNA

Kryetarja e LSI-së Monika Kryemadhi ka dhënë një mesazh urimi për besimtarët ortodoksë që sot festojnë Pashkët.

Kryemadhi e ka bazuar mesazhin e saj në situatën aktuale, teksa thotë se masat e distancimit fizik nuk duhet të na ndajnë shpirtërisht nga njëri-tjetri.

Ajo thekson se sakrifica nuk është humbje dhe se me fuqinë e spirtit do ta kalojmë edhe këtë vështirësi.

“Festa e shenjtë e Pashkëve na mëson se sakrifica nuk është humbje dhe se ndriçimi i zemrës përmes besimit na lartëson mbi të keqen dhe antivlerat. Fuqia e shpirtit i jep njeriut forcën për të çarë mes vështirësive dhe për të ndërtuar të ardhmen.

Masat e distancimit fizik prej pandemisë nuk duhet të na ndajnë shpirtërisht nga njëri-tjetri dhe nga zakonet tona të mira. Përmes tyre, ne si komb kemi përballuar ndër shekuj vështirësi pas vështirësie, dhe sot është koha që ashtu siç kemi gjetur mënyra të reja për të kremtuar festat tona fetare, ashtu të hapim rrugën për të ndërtuar të ardhmen tonë të përbashkët. Me besimin në Zot, me dashurinë për njëri-tjetrin, me vlerat dhe traditat tona kombëtare. Pashkë të mbara për të gjithë besimtarët ortodoksë dhe gjithë familjet shqiptare. Krishti u ngjall!”, shkruan liderja e LSI-së./ CNA.al





Lajmet e fundit nga