web counter
LEXO PA REKLAMA!

SHKARKO APP

App Store
Google Play

E fundit!

x

Arben Ristani bën thirrjen e fortë/ “Të heqim qafe monarkun delirant”

18 Prill 2020, 19:21, Politikë CNA

Ish sekretari i Përgjithshëm i PD-së, Arben Ristani, në një intervistë për ?Koha Jonë?, ka komentuar ngërçin në të cilën ndodhet ekonomia shqiptare sipasojë e pandemisë së Covid-19, dhe masave të marra nga qeveria.

Ristani ka hedhur akuza ndaj kryeministrit Rama, duke i konsideruar fondet e vënë në dispozicion të popullatës si një tallje me shqiptarët.

?Qeveritë në rajon, Europë dhe botë kanë angazhuar fonde shumë fish më të mëdha se qeveria jonë, apo më saktë se monarku ynë. Edhe Maqedonia apo Mali i zi janë para nesh përsa i përket fondeve të vëna në dispozicion të popullatës për zgjidhjen e krizës.

Në logjikë të fundit, i japin popullit atë që është e vetja, paratë e mbledhura nga populli ja kthejnë atij për të kaluar kohën e keqe. Është unikale ajo që thotë monarku ynë, apo trompetat e tij, se të pasurit duhet të shesin shtëpitë dhe makinat për t?ua dhënë të varfërve. Në asnjë vend demokratik në botë nuk janë dëgjuar thagma të tilla. Fondet e mjaftueshme, shpërndarja e tyre e shpejtë, transparente dhe e drejtë është ajo që duhet në këtë kohë. Monarku ynë nuk ka këtë në mendje.

Propaganda e tij e cila një herë tremb njerëzit duke nxjerrë blindat me mitraloz të rëndë rrugëve, pastaj përpiqet të dalë si baba i kombit, pastaj kupton që është vonë për të luajtur babain dhe rikthehet te dhuna nëpërmjet kërcënimit me vite të tjera burgim sipas ndryshimeve të panevojshme të Kodit Penal, nuk jep zgjidhje.

Kjo situatë, pavarësisht se është e rëndë, do të kalojë. Ajo që duhet të ngulitet në mendjen e secilit, është fakti që pas pandemisë, duhet të heqim qafe dhe monarkun delirant, përndryshe do jemi keq e më keq.?, është shprehur ai më tej./CNA.al





Lajmet e fundit nga