E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Shënim/ Kur Titi i Ramës flet në emër të shqiptarëve

18 Prill 2020, 12:56, Politikë CNA

Petrit Vasili, i njohur si ish-ministri i Shëndetësisë në kohën e Berishës dhe ish-ministri i Drejtësisë në kohën e Ramës. Njeriu i skandaleve me tenderat por edhe i shumëakuzuar, pas lojës me tavëll me Andi Bejtjan, vendosi të dalë në televizor dhe të flasë në emër të shqiptarëve.

Në fakt në emër të shqiptarëve mund të dalë dhe të flasë vetëm presidenti, por edhe ai president që kemi ne, kur është votuar nga populli nuk ka mundur të marrë më shumë se 240 mijë vota, pa llogaritur këtu skandale që e shoqëruan.

Por, institucioni i vetëm që mund të flasë për popullin dhe që është mbi palët është Presidenca.

Por, duket se Petrit Vasili ka vendosur të flasë vetë në emër të popullit. Tani, ose Petrit Vasiliit ia ka shkruar deklaratën Ilir Meta dhe e ka autorizuar ai të dalë të flasë në emër të popullit, ose Titi e ka ndarë mendjen dhe do bëhet president. Pasi Ilir Meta e ka zakon që kur ai të braktisë institucione, të përpiqet të gjejë zëvëndësuesit.

Titi në fakt, do të bënte mirë të fillonte punë si roje e Presidencës. Kështu të paktën kur të dalë Ilir Meta nga institucioni do ta nderonte dhe respektonte dhe nuk do ta harronte se ishte një nga shërbëtorët e tij më të devotshëm, por asnjëherë shërbëtor i popullit.

Pra, Petrit Vasili përveçse nuk i duhet njeriu për asgjë, flet në emër të shqiptarëve, duke i fyer ata.

Shumë prej shqiptarëve do ta ndienin veten të ofenduar që në emër të tyre të flasë Petrit Vasili, i cili është një nga simbolet e korrupsionit të LSI-së dhe një nga ministrat më dështakë me Ramën dhe Berishën, që ka ngrënë me dy lugë në brez dhe jo me një dhe tani pasi nuk është ngopur del dhe flet në emër të popullit.

Edhe Titi nuk bën përjashtim. Ndoshta nga karantina ka filluar të shpallë dhe ai shenjat e halucinacioneve dhe ndoshta i duket vetja president i shqiptarëve dhe do të zërë vendin e Ilir Metës./ CNA.al