E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

AirAlbania, sistemi nuk funksionon/ Ku po priten biletat për riatdhesim?

17 Prill 2020, 06:52, Politikë CNA

Sipas njoftimit nga agjencia turistike qeveritare, dje në orën 10:00 duhet të ishte bërë funksional sistemi i prenotimit te kthimit në Atdhe të shqiptarëve të mbetur jashtë kufije.

Qytetarët duhej fillimish të bënin rezervimin në 2 prej hoteleve të paracaktuara nga Rama. Pasi të bënin rezervimin e dhomës, shtetasve ju percilleshin kodet personale të udhetimit dhe me pas me këto kode mund të fillonin rezervimin e biletave.

Qe prej dites së djeshme, në orën 10:00, i njoftuar si orari i hapjes së sistemit të dedikuar për rezervim e biletave të udhëtimit, në CNA.al kanë ardhur me dhjetra shqetësime të përcjella nga qytetarë që nuk arrijnë të mbyllin rezervimet.

Si fillim paketat e ofruara per akomodim janë të limituara sa i takon kompozimit që duhet të ketë familja, që të bëhet i mundur rezervimi.

Hapeni dhe shikoini vetë paketat.

Opsioni “me fëmijë” parashikon vetëm familje “2 të rritur + 1 fëmijë”.

Kush ka dy fëmijë nuk prenoton dot rezervim hoteli. Mbase ndërkohë qenkan ndaluar familjet me 2 fëmijë, por lajmi nuk është bërë ende publik!!

Më pas asnjë nuk po arrin të bëjë rezervimin e biletave.

Sepse sistemi i rezervimit NUK FUNKSIONON. Sistemi pasi qytetarët fusin kodin e marrë (me sakrifica) nga hotelet, bllokohet pa asnjë shenjë rekuperimi.

Që prej ditës së djeshme, qytetarët kanë tentuar gjatë gjithë natës të kryejnë rezervimin, por pa asnjë sukses.

Tani pyetja është e thjeshtë:

Nëse nga sistemi nuk është e mundur të bëhet rezervimi online, si po bëhen rezervimet e biletave?

Është gjëja më e thjeshtë të manipulosh sistemin që ai të mos procesojë rezervimin online, thjeshtë duke bërë sikur ngec.

Ndërkohë dikush brenda tek AirAlbania, me sa duket po bën lirisht rezervimet e kontrolluara të biletave.

Sepse që “Lasgushi” do niset kjo tashmë është e sigurtë!

Kush do udhëtojë me të, këtë e zgjedhin rilindasit e AirAlbania! Sistemi është vetëm për ti mbajtur me shpresë të tjerët./ CNA.al

Rama “hap” agjensi turistike/ Si po i ndëshkon shqiptarët, për klientelën e Rilindjes