E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Qeveria është në luftë”/ Veliaj i “lëpihet” Ramës, sulmon biznesin dhe numëron makinat luksoze

17 Prill 2020, 13:22, Politikë CNA

Në një kohë që Shqipëria ashtu si dhe shumë vende të botës po përballet me një situatë shumë të vështirë për shkak të koronavirusit, ajo që alarmon qytetarët është edhe gjunjëzimi i ekonomisë.

Ekspertët thonë se pasojat në ekonomi do të jenë të mëdha, nëse nuk do të kenë mbështetje të fortë nga ana e qeverisë.

Por, ndërsa kryeministri nuk i shqitet ekraneve nga mëngjesi në darkë, duke thënë se po është në luftë, nuk mund të rrinte edhe kryebashkakiaku i Tiranës, Erion Veliaj, pa dalë në media.

Në një dalje në TV Scan, Veliaj nuk i ka kursyer lajkat ndaj Ramës, duke përdorur edhe të njëjta fjali si vetë kreu i qeverisë, që qenkemi në luftë.

Për më tepër, Veliaj nuk ka kursyer edhe sulmet ndaj biznesit të madh. Ashtu si ish-diktatori Enver Hoxha sulmonte të ashtuquajturit kulakë, Lali Eri sulmon motorin më të madh të zhvillimit të vendit, biznesin e madh.

?Kam dëgjuar biznese që i thonë kryeministrit: ?Po fitimin e munguar?? Nuk ka bërë vaki, edhe Lufta e II-të Botërore, edhe Lufta e Ftohtë, apo luftëra të tjera, që bizneset jo vetëm të mos bëjnë sakrificë, por t?i kërkojnë qeverisë, e cila është në luftë, më paguaj edhe fitimin. Për kuriozitetin tuaj, në Tiranë sot janë regjistruar 43 Bentley, në Tiranë ka 7 Aston Martin, 185 Cadillac, 23 Ferrari, 149 Hummer. Ka më shumë Hummer biznesi i madh sesa ushtria jonë e NATO-s. Në Tiranë ka 10 Lamborghini, 57 Maseratti, 16 Rolls Royce, 10 Maybach (Mercedes), 20 Corvette, 1066 Porsche dhe 403 Range Rover të tipit të fundit.

Unë e kuptoj kur je biznes i vogël dhe i mesëm, bashkia të heq taksat, kurse qeveria të heq rrogat. Por, kur një biznes i madh në 6 javë, nuk ka shitur asnjë prej këtyre mjeteve të luksit, përkundrazi ka paguar edhe taksën e Hummer, të Corvette, Aston Martin, Ferrari-t, Lamborghini-t, Porsche, pra e ka paguar taksën e luksit dhe i thotë qeverisë ?dua fitimin e munguar?, ndërkohë që duhet gjithashtu që qeveria dhe bashkia të kontribuojë për ata punëtorë, se ata punëtorë ta kanë blerë Aston Martin, ata punëtorë ta kanë blerë Corvette, ata punëtorë ta kanë blerë Ferrari-n; pra, puna e këtyre punëtorëve të ka nxjerrë në selamet?, tha Veliaj./ CNA.al