E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Ekonomia është e brishtë"/ Bushati: Kompanitë që marrin tendera të kontribuojnë më shumë

18 Prill 2020, 18:28, Politikë CNA

Ish-ministri i Jashtëm Ditmir Bushati deklaroi se nuk e vë në dyshim që duhen më shumë testime dhe duhen më shumë masa për të gjurmuar pandeminë.

Për masat e ashpra dhe ndryshimet në Kodin Penal, Bushati tha se duhet pasur kujdes për të mos cënuar të drejtat e njeriut.

?Çdo personalitet politik, përfshirë edhe kryeministrin, ka një cilësi të dallueshme me personalitete të tjera politike. Kjo është çështje stili e unë nuk jam as ekspert i komunikimit publik. Kur bie fjala për të drejtat e njeriut, besoj se duhet të jemi më të kujdesshëm, edhe në prodhimin e legjislacionit. Kur pyesni për kryeministrin, unë besoj se në këtë situatë aq intensive, askush nuk është perfekt, sepse është çështje shumë e gjerë. Virusi është global, zgjidhja është lokale?, u shpreh Bushati në një lidhje me emisionin “Kjo Javë”.

Ai theksoi se ekonomia është e brishtë, ndërsa kërkoi që kompanitë që marrin tendera të kontribuonin më shumë.

?Ne kemi një ekonomi të brishtë, bizneset në kuptimin e kontabilitetit kanë një ndarje mes VIP, bizneseve të mëdha dhe shtyllës kurrizore që mban ekonominë shqiptare, që është biznesi i vogël. Në momentet e para të kësaj krize, jo të gjithë aktorët janë domosdoshmërisht të kënaqur. Jemi në një situatë krize. Në rast se unë dhe ju jemi të privuar nga disa elemente që konsideroheshin deri para pak javësh si rutinë e përditshme e jona, e njëjta gjë ndodh edhe me biznesin. Do duhet të filllojë të përshtatet me situatën e re ku bota do shkojë sidomos në periudhën pas Pandemisë. Por, nga ana tjetër, ne si politikanë, ne si forcë qeverisëse gjithashtu duhet të reflektojmë për të korrektur politikën apo për të riorientuar kompasin qeverisës drejt ideve të reja, drejt novacionit. Mund t’ju them që ne mund të shohim 5, 6, 10, 15 emra biznesmenësh të cilët kryesisht kanë përfituar nga të mirat publike, kanë ofruar shërbimet e tyre për të gjitha punët publike që bëhen në Shqipëri. E thënë më troç, kanë marrë tendera, por nga ana tjetër janë edhe 99% të bizneseve të tjera të cilat e fitojnë bukën e gojës me djersë, mbajnë me shumë sakrifica punëtorët qoftë në prodhim apo në shërbime. Do duhet që ura e partneritetit me biznesin të vijë duke u thelluar dhe retorika jonë të jetë gjithnjë e më bashkëpunuese. Pa marrë shembullin e Bill Gates, apo themeluesin e platoformës Twitter, apo filozofin e historianin, që është sot në modë, Harrari, të cilët kanë dhënë kontribute dhe shuma marramëndëse në këtë situatë për shkencën, novacionin, filantropinë, do të kishte qenë shumë e mirëpritur nga ana jonë, të shihnim dhe emrat e bizneseve të mëdha në Shqipëri, sidomos atyre që janë përfituesit e tenderave publikë që të kishin dhënë kontributin e tyre për këtë situatë. Unë s?dua as t’i quaj oligarkë, as të pasur e të varfër pasi besoj që kapitali është një ingranazh shumë i rëndësishëm për zhvillimin tonë ekonomik e shoqëror sepse jemi shoqëri që besojmë te kapitalizmi. Por, fakt është që edhe duke iu referuar të dhënave të institucioneve shtetërore, një grup i ngushtë përfituesish që operojnë në tregun shqiptar do të kishte qenë e udhës që dhe ata të kontribuojnë në këtë situatë, jo thjeshtë për pandeminë por për të na detyruar edhe ne politikbërësve për të eksploruar shtigje dhe ide të reja për zhvillimin e vendit dhe për të krijuar një lloj ambienti më të qetë e më të sigurtë. Kjo nuk është për të anestizuar ndërgjegjen e askujt që operon në këtë fushë por për të krijuar një perspektivë më të mirë për të gjithë ne?, nënvizoi ish-ministri./ CNA.al