E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

"Kriza ekonomike do jetë nga më të rëndat"/ Kastriot Islami: Shqiptarët mund të vuajnë për ushqim

18 Prill 2020, 19:21, Politikë CNA

“Kjo do të jetë një krizë ndoshta nga më të rëndat në historinë e Shqipërisë”.

Kështu ka deklaruar mbrëmjen e sotme ish-ministri i Jashtëm Kastriot Islami teksa po fliste për krizën ekonomike që do të pasojë pandeminë e koronavirusit.

Sipas tij, për Shqipërinë mund të shtohet problemi i pamjaftueshmërisë ushqimore dhe ndoshta i urisë për shumë kategori dhe familje.

Islami merr shkak për këtë deklaratë edhe nga një artikull që ka parë në një revistë, ku Shqipëria renditej në 11 shtete që ankohen se nuk kanë ushqim.

“Pas kësaj pandemie do të vijë kriza tjetër ekonomike shumë shpejt dhe kjo krizë do të jetë një krizë ndoshta nga më të rëndat në historinë e Shqipërisë. Edhe vende të zhvilluara si Franca, Gjermania, SHBA apo Anglia po përgatiten mirë për të dalë nga kjo krizë në mënyrë sa më të shpejtë dhe graduale që të shmangin një kolaps ekonomik që do të jetë me pasoja disa dhjetëra vjeçare. Për Shqipërinë mund të shtohet problemi i pamjaftueshmërisë ushqimore dhe ndoshta i urisë për shumë kategori dhe familje shqiptare. Sot pashë një revistë me 11 foto nga Afrika, India dhe në to ishte vetëm një vend nga Europa, Shqipëria, ku tregohej si ankoheshin njerëzit edhe për ushqimin e drekës”, u shpreh ai në një lidhje me Rtv Ora.

Ndërkohë, menaxhimin e situatës ish-ministri e lidhi me numrin e testimeve, për të cilat kërkoi të jenë më të shumta në numër.

“Që një krizë të menaxhohet me sytë hapur duhet të rritet numri i testeve. Po kalojnë 5 javë dhe Rama nuk reagon për këtë çështje. OBSH dhe opozita kanë thënë teste, teste. Ekspertë të pavarur gjithashtu. Gjithë kjo krizë tentohet të menaxhohet për interesat e një individi nga një individ në mënyrë aprofesionale, jo transparente dhe për më tepër antiligjore dhe antikushtetuese. Gjobat ishin antikushtetuese dhe pa kërkuar ndjesë bën sikur po fal diçka antikushtetuese. Dhe së dyti diskriminimi i grupeve vunerabël ndaj kësaj sëmundje. Kushtetuta e ndalon diskriminimin”, nënvizoi Islami./ CNA.al