E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Bushati "rebelohet" për riatdhesimin me Air Albania/ "Duhet të rezaurohen edhe kompani të tjera"

18 Prill 2020, 15:46, Politikë CNA

Ish-ministri i Punëve të Jashtme Ditmir Bushati, ashtu si në shumë raste të tjera, i ka dalë sërish kundër kryeministrit Edi Rama për riatdhesimin e shqiptarëve.

Bushati deklaroi se kjo çështje mund të bëhej më mirë edhe më shpejt, ndërsa tregoi se cila do të ishte mënyra më efektive sipas tij.

“Për çdo gjë natyrisht që ka vend për përmirësim dhe për çdo gjë mund të thuhet se mund të bëhej më mirë dhe mund të bëhej më shpejt, kjo nuk ka asnjë lloj diksutimi. Përsa i përket kësaj pyetje, mund t?iu them që në Ministrinë e Punëve të Jashtme ka një protokoll që ndiqet për raste të tilla humanitare, ku shtetasit tanë dëshirojnë të kthehen në atdhe. Edhe për shkak të detyrës shtetërore më është dhënë rasti disa herë për tu përballur me një situatë, por duhet ta pranojmë, përmasat e situatave në të shkuarën kanë qenë disa herë më të vogla sesa ato që shohim sot. Është e vërtetë, unë e kam ngritur zërin i pari për këtë çështje për të shmangur amullinë, stresin, që në disa raste u vë re tek bashkëatdhetarët tanë, sidomos në kufirin që na lidh me Greqinë dhe Malin e Zi.

Së pari, do të ishte mirë, të kishim bërë një ndarje shumë të shpejtë mes qytetarëve që i gjeti Pandemia në befasi, ishin në udhëtim, ishin për arsye punë, shëndetësore, turistike, me bashkëatdhetarët tanë që kanë rezidencë, leje qëndrimi dhe punojnë qoftë në vende anëtare të BE, apo në vende të tjera. Për të mos përmendur Amerikën dhe Kanadanë. Kjo do të kishte qënë një mënyrë më e shpejtë dhe më efikase për t’i dhënë përgjigje dinamikës së kësaj çëshje, për të pasur në numër më realist sepse numri i njerëzve që do të dëshironin të ktheheshin në Shqipëri do të përqendrohej fillimisht rreth kësaj kategorie, më pas tek studentët që i kanë konviktet e mbyllura, për të shkuar më pas edhe tek njerëz të tjerë, të cilët në kuptimin kushtetues të fjalës, për sa kohë kanë nënshtetësinë shqiptare, kanë të gjithë të drejtën për tu rikthyer në Shqipëri”, tha ai në një lidhje me emisionin “Kjo Javë”.

Ndërkohë, ish-ministri ka shprehur edhe qëndrimin e tij kundër vendimit të qeverisë për të riatdhesuar shiptarët me Air Albanian, pasi theksoi se duhet të ishin rezauruar edhe kompani të tjera fluturimi.

“Kujtoj që para pak javësh patëm fluturime, më pas u pezulluan, kanë nisur sërish sot, shohim që ka një lloj kërkesë të shtuar të qytetarëve për të ardhur në Shqipëri. Do të ishte mirë të rezauroheshin edhe kompani të tjera që mbajnë flamurin shqiptar dhe pas rezaurimit të kompanive që mbajnë flamur shqiptar, mund të ftoheshin edhe kompani të tjera të huaja për ta kryer këtë shërbim sepse besoj që kjo, jo vetëm do ulte koston e këtij shërbimi, pasi jo çdo gjë mund të bëhet nga buxheti i shtetit me të drejtë, por nga ana tjetër do ta kryente të gjithë këtë operacion në një kohë shumë më të shpejtë. Do reduktonte kostot dhe stresin që përballojnë qytetarët shqiptar apo të afërmit e tyre”, nënvizoi Bushati./ CNA.al