E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

“Ky është kulmi i papërgjegjshmërisë”/ Ish-ministri i Ramës “masakron” qeverinë, nuk kursen as Metën

20 Prill 2020, 12:44, Politikë CNA

Ish-ministri i Drejtësisë në qeverinë ?Rama 1?, Ylli Manjani ka reaguar në lidhje me raportimet në media, ku flitet se koronavirusi në vendin tonë mund të ketë qarkulluar që në muajin shkurt.

Në një postim në rrjetet sociale, Manjani cilëson papërgjegjshmëri mbajtjen e Kongresit të PS-së në atë kohë, si dhe tubimin e presidentit Ilir Meta.

?Në kulmin e inkubacionit të virusit PS thirri një kongres partie ku shau e pështyu Presidentin. Ky i fundit thirri një miting në shesh për të sharë kongresin që e shau i pari!!!

Ishte kulmi i inkubacionit të virusit. Por askush nuk e tha!!!

Askush nuk informoi publikun që virusi ishte prezent dhe se duhet të ruhemi. E pranuan tani vonë që paska patur pacientë me COVID që në shkurt.

10 ditë më vonë mitingut të 2 marsit i thanë njerëzve të lajnë duart.

Kulmi i PAPËRGJEGJSHMËRISË!

Pastaj filluan teatrot e shpifura të “kujdesit” që pushteti e politika ka për popullin. Kuptohet duke i përmendur këtij të fundit atë të “xhehnetit”, dmth dajakun.

Vetëm detyrën për të informuar mbi gjendjen e përhapjes së virusit nuk e bënë. Përkundrazi e FSHEHËN!?-shkruan Manjani.

Më tej, ish-ministri thekson se fshehësit e këtij informacioni kanë konsumuar krimin e infektimit masiv të popullsisë. Atë krimin që e vunë te Kodi Penal për njerëzit e kanë kryer vetë. Në rrethana rënduese madje.

?Shqiptarët u infektuan, shëruan e ndërruan jetë si gjithë popujt e tjerë. Nëse nuk patëm vdjekje aq të mëdha kjo qartësisht nuk është meritë e qeverisë, e cila NUK KONTROLLOI DOT PANDEMINË, por E LEJOI TË PËRHAPET!

Qeveria, Presidenti, institucionet publike, ato të shëndetit publik në veçanti dhe për aq sa i takon edhe opozita ta kërkojnë përgjegjësinë tek vetja, jo tek njerëzit.

Këta të fundit duan të jetojnë duke punuar, duke lëvizur e jo duke ndjenjur. Në kanë mundësi ti ndihmojnë të lëvizin mirë, në të kundërt të mos u bien në qafë të paktën sepse u treguan qytetari të lartë.

Sot në 10 ditëshin e fundit të prillit nuk mund të jemi më aq të rrezikuar sa ç’ishim në janar-shkurt nga mosinformimi.

Kujdes duhet akoma, por “kujdes” politik jo!?-shkruan Ylli Manjani.