web counter
LEXO PA REKLAMA!

SHKARKO APP

App Store
Google Play

E fundit!

x

Rama zbulon diskutimet në Këshillin e Sigurisë/ "Bashës i thashë dëgjo këtu..."

20 Prill 2020, 15:23, Politikë CNA

Kryeministri Edi Rama publikoi dy ditë më parë një video tallëse për kryetarin e opozitës Lulzim Bashën dhe për këtë është pyetur edhe ditën e sotme.

Gjatë një lidhje me News 24, Rama tha se i pëlqen që/ memet t’i ndajë me qytetarët për të kaluar me pozitivitet situatën, ndërsa tregoi se çfarë diskutoi me Bashën në mbledhjen e Këshillit të Sigurisë që u organizua nga presidenti Ilir Meta.

?Rrjeti në këto kohë është goxha pjellor dhe unë marr shumë nga këto memet dhe më pëlqen që ndonjërën tek- tuk ta ndaj edhe me të tjerët. Në faqen time ndava një vjershë për të ftuar të tjerët të qeshin me mua në këtë lloj halli. Përtej humorit, unë i kërkova kryetarit në Këshillin e Sigurisë të opozitës bashkëpunim, jo bashkëpunim për të rënë për çdo gjë dakord me qeverinë, por bashkëpunim për të kaluar këtë situatë dhe falë tryezës së organizuar nga Presidenti që është një tjetër gjë pozitive në këtë kohë, Presidenti bëri gjënë e duhur dhe ftesa e kryetarit të opozitës në atë tryezë është përtej formatit të atij këshilli por presidenti e mori atë nismë, kërkoi një lloj aprovimi dhe ne thamë po menjëherë. Në atë mbledhje kreut të opozitës i thashë: Dëgjo këtu, nuk ka nevojë, nëse sinqerisht do të kontribuosh, nuk ka nevojë të helmosh njerëzit e të krijosh më shumë stres se ç?kanë duke dalë e folur për maska të helmuara që i keni kuptuar gabim. Fillimisht na kërkoni çdolloj informacioni pastaj dilni e thoni ç?të doni. Është e dëmshme të dilni në publik e të flisni për numrin e fshehur të të vdekurve, është një ligësi e madhe. Ju na u drejtoni dhe ne ju japim cdo informacion?, deklaroi kreu i qeverisë./ CNA.al





Lajmet e fundit nga