E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famkeq të Ajatollahëve

Në protestat e zhvilluara prej më shumë se tri javësh në T...

Kur ne e marrim seriozisht zonjën Bino, ndërsa ajo tallet me veten

21 Prill 2020, 07:49, Politikë CNA

Dje zonja Silva Bino doli e ftuar live në një media shqiptare për tu pyetur për situaten e gripit Covid19!

CNA.al ka qenë media e parë që ka ngritur pikëpyetje dhe pikëçuditse në lidhje me shifra të deklaruara për situatat epidemiologjike nga e njëjta zonja Bino gjatë raportimeve në Kuvend në muajt janar- shkurt.

Nga ato shifra zonja Bino në emër të ministrisë së Shëndetsisë deklaronte 11.000 raste griprash në jave, ekzaktesisht në muajt Janar-Shkurt.
I deklaronte me përgjegjësi të madhe ndaj dhe deklaratat e saj përbënin burimin zyrtar që mund të analizohej edhe nga gazetarët.
Zonja Bino deklaronte që mostrat për 11.000 të semuret e cdo jave gjatë periudhes Janar-shkurt, ishin testuar me metodën molekulare Real-Time RT PCR dhe asnjë nuk ishte i infektuar me Covid 19. Epo tani, nëse askush nga ata që e dëgjonin nuk mund të kuptonin se cfarë analize kishtë bërë Silva, për këtë nuk e ka fajin Zonja Bino!
Këtë deklaronte në janar-shkurt.

Paralelisht me të, Rama deklaronte armiqtë që kërkonin të përhapnin panik dhe kërcënonte me burg ata që thonin që Covid19 mund të ishte prezent në Shqiperi.
Sot jemi në Prill. Që prej marsit Rama vendosi gjendjen e jashtëzakonshme, dhe dje edhe e zgjati atë deri gati në fund të qershorit.
E kuptojmë lezetin dhe shijen e pushtetit kryeministror në kushte gjendje të jashtëzakonshme, por këtu nuk po analizojmë atë lezet.

Na duhet të merremi prap me zonjën Bino dhe deklaratat e saj të reja. Zonja Bino pyetjeve të gazetarëve ju përgjigj deri në piken që arriti të thoshtë që ajo si gjithë dynjaja, sa herë ka folur e flet paskësh pasur dhe ka të drejtë të ketë hipotezat e veta.
Pa i hequr askujt të drejten njerëzore të ngritjes së hipotezave, na duhet t?i kujtojmë zonjëa Bino që ajo nuk thirret askund për aftësinë personale të formulimit të hipotezave.
Ajo është një nga personat që posedon faktet, provat, shifrat dhe statistikat, ndaj ështe turp të fshihet pas të drejtave që paska ajo si cdo njeri për të menduar, arsyetuar dhe ngritur hipoteza.

Zonja Bino në muajt janar-shkurt deklaronte (nuk ngrinte hipoteza), që deri ne fund të shkurtit në Shqipëri nuk kishe asnjë rast me Covid19.
Ndërkohë ka tre dite, tani në hyrje të pranverës që po deklaron se në shkurt në Shqiperi paska patur edhe raste sporadike të gripit Covid19.
Keto raste sporadike të shkurtit i gjeti në Prill zonja Bino që po na i thotë në Prill?
Apo i dinte që në shkurt kur deklaroi edhe në Kuvend qe nuk kishte ASNJË RAST ME COVID19?

Kur zonja Bino u pyet se si i kishte konstatuar ato rastet sporadike, ajo deklaroi se i kishte zhbiriluar me simptomat e ditura tani prej të gjithve??? Praktikisht njësoj me shumë të tjerë që kanë ditë që kanë treguar zhbirilimet e veta nga të cilat u del që rastet ekzistojnë që prej Janarit. Zonja Bino u pyet se që prej cilës periudhe kishin mbërritur në Shqipëri tamponë e testeve të Covid19. Përgjigja ishte, “qe prej janarit”.
Po nëse tamponet i kishte që në janar, pse nuk u përdorte tamponet zonja Bino, po zhbirilonte me analiza logjike rastet sporadike të Covid 19? Apo zonja Bino i ka tamponuar dhe jo zhbiriluar ato rastet “sporadike” të shkurtit?

Nese zonja Silva Bino i kishte tamponet që në janar, pse nuk ja kishte berë tamponin për shembull rastit të përmendur nga doktori Petrit Vargu!? Doktor Petrit Vargu deklaroi rastin e një gruaje, 77 vjecare që kishte patur qartësisht shenja të Covid19, pasi kishte mbërritur në Shqipëri në datën 6 Shkurt, dhe që vdiq rreth dy javë më vonë!
Në fakt zonja Bino gënjeu dje publikisht kur deklaroi se tamponet për Covid19 ishin gjendje në vend që prej Janarit 2020.

Dje në një lidhje direkte me emisionin 5 pyetjet nga babaramo, shefi i mikrobiologjise në QSUT, Alqi Koraqi, një prej të shëruarve me coronavirus, i pyetur nëse në Shqipëri mund të kishte pasur raste që prej Janarit u përgjigj: Edhe mundet, por në atë kohë edhe vetë OBSH nuk kishte dhënë rekomandim dhe vendi NUK ISHTE PAJISUR ENDE ME KITE DHE TESTE PËR COVID. Pra nuk ka pasur dhe nuk mund të kishte kite dhe teste për Covid19 në Shqipëri që prej Janarit. A Silva Silva!

Më tej, zonja Bino deklaron e sigurtë që pazienti zero i përket marsit, por ajo di raste sporadike me covid qe në shkurt!!!??
Domethënë një rast i marsit është “pacienti zero”, por asnjë nga rastet “sporadike” të shkurtit nuk e kanë merituar të quhet “zero”?
Cfarë kishte të ndryshme pacienti i Marsit nga ata sporadikët e Shkurtit?
Nëse virusi qenka nga marsi e këtej aq ngjites sa ka mbyllur gjithë dynjane në shtepi, kjo ngjitshmëria u krijua në Mars? Ne shkurt ishte më miqësor virusi?
Ne nuk jemi mjek, por jemi gazetarë dhe si të tille mund të ngremë hipoteza.
Dhe hipoteza është që virusi ka qenë në Shqipëri te paktën prej janarit 2020.
Por ai u vendos të perdorej si motiv vetëm në Mars.

Ne e kuptojmë hallin por jo zellin e zonjës Bino. Ndaj nuk tallemi me të! I lutemi mos tallet më tej me veten.
Cilido qoftë motivi i Kryeministrit për zgjatjet e gjendjes se karantinës drejt Qershorit, e cila duket që po e argëton pa masë, zonja Bino nuk ka asnjë motiv të tallet me zonjën Silva Bino! Edhe kjo mbetet hipotezë sa kohë zonja Bino nuk na bind që ne gabojmë dhe se dhe ajo ka motivet e veta për të cilat gënjen dhe bëhet publikisht qesharake!/CNA.al