web counter
LEXO PA REKLAMA!

SHKARKO APP

App Store
Google Play

Bylykbashi akuza Ramës/ Po përpiqet të zgjasë gjendjen e pandemisë

21 Prill 2020, 14:44, Politikë CNA

Ish deputeti i PD, Oerd Bylykbashi ka reaguar lidhur me vendimin e qeverisë për shtyrjen deri më 23 qershor të gjendjes së fatkeqësisë natyrore.

Bylykbashi thekson se gjendja e fatkeqësisë natyrore mund të zgjatet vetëm 30 ditë, siç e përcakton edhe Kushtetuta.
Sipas demokratit, shifrat e Edi Ramës, 609 të identifikuar me virus dhe 26 të vdekur, nuk e justifikojnë aspak zgjatjen deri në qershor kur të tjerët me kriza të vërtete shëndetësore po i zgjasin vetëm 3-4 jave.

Bylykbashi thekson se afati fillestar që parashikon Kushtetuta është 30 ditë dhe shtesa nuk mund të jetë më e gjate se afati fillestar.

?Kushtetuta detyron që të merren masa të jashtezakonshme që fatkeqësia natyrore, qofte edhe pandemia, të përballen sipas afateve.? Nese nuk mjafton, Qeveria të kërkojë në Parlament zgjatje tjetër 30-ditore, e po nuk mjaftoi shtesa e pare, të arsyetoje dhe kërkojë një tjetër. Afati shërben edhe që të matet efikasiteti i masave. Ndërkohë të mos harrojmë se janë kufizuar të drejta e liri themelore kushtetuese për shkak të gjendjes se jashtëzakonshme, e para liria e levizjës.

Nëse do të kishim mburojen imunitare kushtetuese, Gjykatën Kushtetuese, sot do e vendoste ajo nëse Rama, nën pretekstin e koronavirusit, mund të zgjasë gjendjen e jashtëzakonshme dhe kufizimin e lirive të shqiptarëve aq sa i leverdis pushtetit te tij edhe pse statistikat nuk e justifikojnë. Por falë Edi Ramës, Gjykata Kushtetuese u hoq si bajamet (tonsilet) e semura, edhe pse sot e thonë të gjithe që është më mire t?i kurosh bajamet sesa t?i heqesh, sepse janë ndër mburojat e para në diten kur vjen infeksioni i abuzimit me pushtetin dhe Kushtetuten.
Mos harroni Edi Rama do të përpiqet të gjejë arsye ta zgjasë gjendjen e pandemisë edhe kur ajo të jetë zhdukur tjetërkund?, shkruan Bylykbashi./CNA.al





Lajmet e fundit nga