E fundit!

09:53 Aktualitet

Denoncimi: Qytetarët në radhë në Poliklinikën e Lushnjes

Deputeti i PD-së Saimir Korreshi ka denoncuar një tjetër p...

"Rama karantinon të riatdhesuarit në hotelet e Sadri Abazit/ Berisha-qytetarëve: Paditeni në Hagë dhe Strasburg

21 Prill 2020, 14:34, Politikë CNA

Ish-kryeministri Sali Berisha denoncon atë që ai e quan vjedhje Rama-Abazi me karantinën.

Në fillim të pandemisë në vendin tonë, qeveria njoftoi se kishin kthyer në karantinë Shtëpinë e Pushimit të Ushtrisë në Durrës, por pak ditë më parë njoftoi se qytetarët që do të riatdhesohen do të dërgohen në hotel.

Berisha shtron pyetjen se përse kryeministri Edi Rama hoqi dorë nga Shtëpia e Pushimit të Ushtarakëve, ndërsa ngre akuzat se po i akomodon qytetarët në hotelet e deputetit të PS Sadri Abazit në Golem.

Sipas tij, Rama po e bën këtë gjë pasi me karantinën tek Shtëpia e Pushimit nuk mbusheshin dot baulet me euro, ndërsa tek hotelet e Abazit të ardhurat ndahen përgjysmë.

“Miq, po ju rikujtoj këtu se sistemimi me detyrim i të rikthyerve në hotelet e Sadri Abaz Mafiozit është një diskriminim i rëndë antiligjor dhe vjedhje e pastër që ju bëhet këtyre qytetarëve. Kjo sepse:

1- qytetarët shqiptar që u riatdhesuan 3 javë më parë erdhën në atdhe me pa pagesë dhe shkuan direkt në shtëpitë e tyre.

2- Sot shumica e qytetarëve që dalin Covid-19 pozitiv në Shqipëri, madje dhe shumica e të sëmurëve me Covid-19 kalojnë karantinën dhe sëmundjen në shtëpi. Kurse qytetaret që rikthehen nga jashtë nuk i lejojnë të bëjnë karantinën në shtëpitë e tyre por duhet tëe shkojnë në Hotelet e mafiozit Sadri Abazi për të mbushur baulet me para ai së bashku me Edvinin që përdor postin dhe epideminë për të bërë para për vete dhe klientelën e tij”, shkruan ish-kryeministri në rrjetet sociale krahas një videoje me deklaratat e kreut të qeverisë.

Ai e cilëson këtë si një krim të shëmtuar dhe i bën thirrje të rikthyerve të refuzojnë të gjithë karantinën për të mbushur xhepat Rama-Abazi dhe ta bëjnë atë në shtëpitë e tyre.

Gjithashtu Berisha i fton ata të ngrenë padi kundër kryeministrit dhe qeverisë së tij pranë Gjykatës Ndërkombëtare në Hagë dhe Gjykatës Europiane të të Drejtave të Njeriut në Strasburg për krimet e kryera ndaj tyre./ CNA.al