web counter
LEXO PA REKLAMA!

SHKARKO APP

App Store
Google Play

E fundit!

x

Rama tërhoqi padinë/ Gazetari i "Bild": Mori vendim të mençur, po ndjekim gjurmët e parave

21 Prill 2020, 20:15, Politikë CNA

Gazetari i medias gjermane “Bild” Peter Tiede ka folur mbrëmjen e sotme lidhur me padinë e kryeministrit Edi Rama për përgjimet e blerjes së votave.

Rama e tërhoqi padinë vetëm disa muaj më pas, ndërsa gazetari thotë se këtë lajm e ka mësuar nga mediat shqiptare.

Ai tha se ata ishin të informuar për ngritjen e padisë, por nuk e dinin që ajo ishte tërhequr deri në momentin që ky fakt u bë publik nga mediat tona.

“Fillimisht nuk morëm asnjë informacion nga Rama, vetem faktin që do të na padiste. E kam mësuar nga media shqiptare, që ka pasur ndërperje të padisë. Me çfarë kam lexuar në Shqipëri, e ka tërhequr padinë. Unë nuk kam marrë asnjë informacion zyrtar për padinë që është ngritur në Hamburg. E kam marrë nga media shqipare. Nuk jam i paditur unë personalisht, por gazeta “Bild”. Unë jam personi që duhet të gjej dëshmitarë dhe kam bashkëpunuar me avokatët tanë. Bild është mësuar me beteja të tilla. Avokatët tanë ishin të trishtuar që nuk do të  vazhdonin kjo çështje, por le të themi që Rama ka marrë një mendim të mençur duke u tërhequr”, nënvizoi gazetari.

Tiede theksoi në emisionin “Krasta Show” se “Bild” nuk është penduar për publikimin e përgjimeve dhe se nuk ka asnjë arsye që të tërheqin ndonjë gjë nga ato që kanë publikuar. Gazetari tregoi se aktualisht po ndjek gjurmën e parave  dhe ngriti pyetjen se kush e ka paguar avokatin që ka marrë përsipër padinë ndaj “Bild”.

“Unë jam duke bërë kërkime dhe do të flas vetëm kur të kem përfunduar. Por jemi duke ndjekur gjurmët e parave. Kush e ka paguar avokatin që ka angazhuar zoti Rama, sepse ai është më i shtrenjti në Gjermani. Kush i pagoi paratë e  z. Rama, qytetarët shqiptarë, apo ai vetë?”, u shpreh ai./ CNA.al

 





Lajmet e fundit nga