E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rama prezanton paketën e zgjeruar/ Si do bëhet ndarja dhe kategoritë që përfitojnë

13 Prill 2020, 18:13, Politikë CNA

Kryeministri Edi Rama në komunikimin e radhës me qytetarët, ka prezantuar paketën e zgjeruar ekonomike dhe kategoritë që përfitojnë pagën e luftës.

Rama tha se janë 176 mië familje dhe individë që do të përfitojnë nga kjo paketë ndërsa paralajmëroi edhe një paketë të tretë mes 20- 25 majit duke parë ecurinë në luftën kundër Covid-19.

?Kjo paketë është konceptuar si një pagesë e vetme dhe përmbledh disa kategori:

10 mijë punonjës të turizmit.

66 mijë punonjës që janë larguar, pezulluar nga biznesi i madh mbi 14 mln lekë të reja xhiro në vit.

100 mijë punonjës në biznese të vogla që kanë punuar me xhiro minimale për shkak të mbylljes dhe nuk përfituan nga paketa e parë.

U pretendua se u refuzuan bizneset e vogla, sikur u mohua ndihma jonë. Jo. Shumica prej tyre nuk mund të miratoheshin se nuk ishin të përfshira në paketën e parë që edhe pse e thamë që janë goditur rëndë në xhiron e tyre, do përfshiheshin në paketën e zgjeruar dhe ja ku jemi sot, ku jemi të gatshëm ti trajtojmë ndershmërisht e seriozisht me gjithë mundësinë që na jep llogaria financiare, me armikun që e kemi vërdallë.

Për kategorinë e 100 mijë qytetarëve që përfshihen ata që janë në biznesin e vogël, do vëmë në dispozicion 4 miliardë lekë dhe çdo individi në këtë kategori do i japim 400 mijë lekë drejtpërdrejtë.

Për punonjësit që e kanë humbur punën në biznes private 66 mijë punonjës do vëmë në dispozicion 2.64 miliardë lekë dhe ata do marrin 400 mijë lekë direkt.

Për turizmin, fasonë e veprimtaritë prodhuese paketa e zgjeruar do krijojë kapital qarkullues, por në listën e individëve që do ndihmohen drejtpërdrejt janë edhe 10 mijë punonjës që do marrin 400 mijë lekë, bëhet fjalë për 4 milionë dollarë të tjera.

Ne jemi gati për paketën e tretë mes datave 20- 25 maj duke parë dinamikën dhe do jemi në gjendje t?i gjejmë mundësitë t?i jemi në mbështetje atyre që nuk kanë mundësi të dalin nga perimetri?, tha Rama./CNA.al