web counter
LEXO PA REKLAMA!

SHKARKO APP

App Store
Google Play

E fundit!

x

Basha kërkesë Ramës/ Rialoko buxhetin për koncesionet, fondi 50 mln euro si mbulon nevojat

8 Prill 2020, 15:53, Kosova & Bota CNA

Kreu i Partisë Demokratike, Lulzim Basha, i ka cilësuar si të drejta shqetësimet dhe propozimet e Dhomës së Tregtisë Amerikane, ku i ka kërkuar qeverisë mbështetje më të madhe për biznesin e madh.

Basha thotë se fondi prej 50 milionë euro për tre muaj nuk i mbulon nevojat për shtresat në nevojë dhe biznesin, ndaj kërkon të qeveria të rialokojë fondet e ndara në buxhet për PPP-të.

?Shqetësimet dhe propozimet e Dhomës Amerikane të Tregtisë janë të drejta. I kam kërkuar qeverisë angazhimin e të gjitha resurseve ekonomike në buxhet për të mbështetur biznesin nga vështirësitë e shkaktuara prej pandemisë.

Qeveria shqiptare duhet të RIALOKOJË fondet e vendosura në buxhet për PPP-të, nga shpenzimet operative si edhe nga investimet publike dhe ti vërë ato në funksion të nevojave shëndetësore dhe ekonomike.

Fondet e shpallura nga qeveria prej 50 milionë euro në total për 3 muaj, për shtresat në nevojë, pagat e biznesit të vogël dhe pagesën e papunësisë, NUK i mbulojnë nevojat e krizës.

Pas shëndetit, ekonomia duhet të jetë prioritet absolut i qeverisë. Shqipëria ka nevojë për masa gjithpërfshirëse dhe jo fjalë. Koha është tani, sepse çdo vonesë do kushtojë shtrenjtë.?





Lajmet e fundit nga