web counter
LEXO PA REKLAMA!

SHKARKO APP

App Store
Google Play

E fundit!

x

Beteja me koronavirusin/ BE 15 miliard euro për partnerët në të gjithë botën

7 Prill 2020, 17:18, Kosova & Bota CNA

Bashkimi Europian ka vënë në dispozicion fondin prej 15 miliard eurosh për të gjithë partnerët në të gjithë botën.

Lajmin e bën të ditur Presidentja e Komisionit Evropian Ursula von der Leyen, e cila thotë se BE do të sigurojë më shumë se 15 miliardë euro për të ndihmuar në luftimin e koronavirusit vdekjeprurës.

“Është në interesin tonë të sigurojmë që lufta të jetë e suksesshme në të gjithë botën. Duke qëndruar të bashkuar dhe duke punuar së bashku, ne mund ta mposhtim këtë virus”, ka deklaruar presidentja e KE-së.

Von der Leyen thotë se ky vendim është marrë për shkak të ndikimit të thellë social, shëndetësor dhe ekonomik në të gjithë globin, ndërsa theksoi se edhe Afrika duhet të përgatitet.

“Afrika mund të përjetojë të njëjtat probleme me të cilat po hasim në Evropë brenda disa javësh. Ata kanë nevojë për ndihmën tonë për të ngadalësuar përhapjen e virusit, pasi ne kemi nevojë për ndihmë në këtë krizë”, u shpreh ajo.

Aajo thekson se me paratë, vendet partnere të BE-së mund të forcojnë sektorët e tyre të shëndetit dhe të marrin masa për të mbështetur ekonominë e tyre dhe për t’i mbajtur njerëzit në punë./ CNA.al





Lajmet e fundit nga