web counter
LEXO PA REKLAMA!

SHKARKO APP

Boçi publikon videon e përplasjes së emigrantëve me policinë/ "Po pengohen me dhunë të hyjnë në atdhe"

5 Prill 2020, 21:19, Politikë CNA

Ish-deputeti i Partisë Demokratike Luçiano Boçi, ka publikuar pak më parë një video në rrjetet sociale të përplasjes së policisë me shqiptarët në kufirin me Greqinë.

Demokrati e ka cilësuar si kriminale sjelljen e kryeministrit Edi Rama dhe të policisë ndaj emigratëve shqiptarë të bllokuar në Kapshticë prej dy ditësh.

Boçi thotë se Rama në televizione bën babain dhe të përshpirtshmin, ndërkohë që pretendon se në terren kreu i qeverisë është njerku dhe i pashpirti.

“Emigrantët pengohen me dhunë të hyjnë në atdheun e tyre. Rrugën e kanë bërë me paratë e tyre, por portën e shtëpisë ia ka mbyllur Rama. Pamjet e përplasjes me policinë vijnë sot nga Kapshtica. Përballje me policinë kemi parë shumë, por kjo është më e turpshmja dhe e fëlliqura që mund të bëjë një shtet. Kjo është fytyra e vërtetë e Kryeministrit që urren e përçmon njerëzit e tallet me ta!”, shkruan ish-deputeti krahas videos./ CNA.al





Lajmet e fundit nga