web counter
LEXO PA REKLAMA!

SHKARKO APP

App Store
Google Play

E fundit!

x

Viktima e 21-të e koronavirusit/ Meta për Skënder Kurtin: Lamtumirë kampion

5 Prill 2020, 18:25, Politikë CNA

Ditën e sotme humbi betejën me koronavirusin ish-boksieri Skënder Kurti, i cili disa ditë më parë pësoi vdekje klinike.

Për humbjen e tij ka reaguar edhe presidenti Ilir Meta, i cili shpreh ngushëllimet për ndarjen e tij dhe kujton rezultatet që ai ka dhënë në sport.

“Me hidhërim të thellë mësova lajmin tragjik të ndarjes nga jeta të boksierit dhe trajnerit të shquar të Ekipit Kombëtar, njërit prej ikonave të sportit kryeqytetas, Skënder Kurti! I admiruar nga të gjithë brezat e sportdashësve për rezultatet e tij në ring dhe pasionin e jashtëzakonshëm për sportin e dorezave, Ner Kurti gëzonte respektin e të gjithëve, veçanërisht të tironasve të mrekullueshëm që aq shumë e donin dhe i donte!

Edhe në këto ditë të vështira i madhi Ner Kurti luftoi fort, si një kampion që nuk dorëzohet lehtë! I shpreh ngushëllimet më të sinqerta familjes Kurti, të afërmve, bashkëpunëtorëve e miqve të shumtë, në veçanti qytetarëve të Tiranës e tifozave të ngjyrave bardhë e blu për këtë humbje të pazëvendësueshme!”, shkruan Meta, ndërsa i jepo lamtumirën Kurtit duke e quajtur kampion./ CNA.al





Lajmet e fundit nga