web counter
LEXO PA REKLAMA!

SHKARKO APP

App Store
Google Play

"Duhet vepruar tani!"/ Panariti leksion Ramës: Ja "lëvizja" që do të mirëpritej nga BE

5 Prill 2020, 14:15, Politikë CNA

Ish-ministri i Bujqësisë Edmond Panariti i ka dhënë leksion qeverisë se çfarë duhet të bëjë në këtë situatë kur pandemia e koronavirusit po godet ekonominë e shqiptarëve dhe jo vetëm.

Në një postim në rrjetet sociale, Panariti thotë se 72 milionë euro të papërdorura nga paratë e BE për bujqësinë duhet të shkojnë menjëherë në mbështetje të fermerëve.

Sipas tij, kjo është lëvizja që do të mirëpritej nga BE nëse qeveria do ta propozojë, ndaj e këshillon këtë të fundit ta ndërmarrë këtë hap sa më shpejt.

“72 milionë euro të papërdorura nga paratë e BE për bujqësinë, (fondet IPARD), të cilat “flenë” ende në sirtar të shkojnë si mbështetje direkte për fermerët në vështirësi! Sa më parë dhe sa më shpejt! Jo si asistencë mbijetese por për prodhim në kushte krize!

Ato para, në kushtet e paralizës së tregjeve dhe pamundësisë së ekzekutimit të projekteve për shkak të pandemisë, do të “digjen” brenda vitit, nëse nuk i kërkohet që tani Bashkimit Evropian që ato të përdoren për të mbështetur fermerët e pambrojtur dhe të pambështur ne prag falimenti nga kriza e rëndë e COVID. Kjo është “lëvizja” që do të mirëpritej nga BE pas propozimit të qeverisë!

Sepse ky “rikanalizim” i fondeve në përshtatje me situatën, u shqyrtua edhe në mbledhjen e 26 Marsit të Ministrave të Bujqësisë të BE, të cilët konstatuan se vetë rregullorja krijon fleksibilitet të mjaftueshëm për një veprim të tillë. Prandaj Komisioni, ka vënë ne levizje një proces të përshpejtuar për administratat kombëtare për ta përshtatur programin me krizën aktuale. Vetë politika për bujqësinë e BE, po shikon mundësinë për kryerjen e pagesave direkte për fermerët e tyre më herët se vitet e tjera, duke rritur sasinë e parave paradhënie. Prandaj duhet vepruar shpejt, menjëherë.. Tani!”, shkruan ish-ministri./ CNA.al





Lajmet e fundit nga