web counter
LEXO PA REKLAMA!

SHKARKO APP

App Store
Google Play

PD e kallëzoi për abuzim me tenderin e ushqimeve/ Reagon Xhaçka: SPAK të hetojë dhe të hedhë dritë

5 Prill 2020, 14:46, Politikë CNA

Ministra e Mbrojtjes Olta Xhaçka, ka reaguar për kallëzimin penal të Partisë Demokratike në SPAK ndaj saj, lidhur me akuzat për abuzime me tenderin e paracaktuar të ushqimeve me vlerë 1.5 milion euro.

Në një postim në rrjetet sociale, ministrja deklaron se e mirëpret padinë e demokratëve dhe i kërkon SPAK-ut ta hetojë me përparësi këtë akuzë.

Socialistja akuzon PD-në për shpifje, pasi pretendon se këta të fundit duan të sabotojnë luftën e minuar dhe përpjekjet e qeverisë për t’i bërë ballë koronavirusit.

“E mirëpres padinë e PD dhe e inkurajoj SPAK që ta hetojë me përparësi këtë akuzë sepse sot qytetarët kanë shumë nevojë për qartësi. PD ka të drejtë kur thotë që do të ishte veçanërisht e ulët e kriminale nëse një ministër do të përfitonte nga pandemia për të bërë korrupsion. Por është po aq e ulët e imorale nëqoftëse opozita e një vendi në kohë lufte, jo vetëm s?kontribuon në përpjekjen e përbashkët për të mundur armikun e për të shpëtuar jetë, por vazhdon me shpikje të modelit Babale në një përpjekje për të sabotuar luftën e minuar përpjekjen tonë të përbashkët për t’i bërë ballë me sa më pak humbje e vuajtje armikut të padukshëm! I takon SPAK të hedhë dritë mbi këtë çështje me të gjithë urgjencën që dikton situata e luftës ku jemi. Kemi bërë çdo gjë sipas ligjit e procedurës dhe jam optimiste se në fund të hetimit qytetarët do të kuptojnë qartë si drita e diellit se kjo akuzë s?është veç rivënia në skenë e versionit më të fundit të Babales”, shkruan Xhaçka./ CNA.al

Tenderi i ushqimeve/ PD dorëzon në SPAK kallëzimin penal: 6 vepra penale në ngarkim të Xhaçkës





Lajmet e fundit nga