web counter
LEXO PA REKLAMA!

SHKARKO APP

App Store
Google Play

Konfirmohen dy zyrtarë të Bashkimit Europian me koronavirus

4 Mars 2020, 19:12, Kosova & Bota CNA

Agjensia Evropiane e Mbrojtjes dhe Këshilli kanë konfirmuar sot dy raste të konfirmuara me koronavirus në institucionet e BE-së.

Sipas deklaratës  së Agjencisë Evropiane të Mbrojtjes, një anëtar i stafit rezultoi pozitiv dhe aktualisht është izoluar në shtëpi.  Zyrtari, emri i të cilit ende nuk bëhet me dije shfaqi simptoma të koronavirusit mbrëmjen e së shtunës dhe që prej asaj dite nuk është kthyer të punojë në zyrë.

Media ndërkombëtare ?Politico?, raporton se zyrtari ishte kthyer në Bruksel nga një vizitë në Itali më 23 shkurt.

Agjensia njoftoi se edhe anëtarët e stafit që ishin në kontakt të ngushtë me kolegun në fjalë janë izoluar për 14 ditë si masë paraprake. Gjithashtu mësohet se janë anuluar edhe takimet që do të zhvilloheshin në Bruksel.

Ndërkohë Këshilli i Bashkimit Evropian deklaroi se një nga anëtarët e stafit të tij kishte testuar pozitivisht për koronavirusin.

“Kolegu ishte në punë në GSC para se të sëmuret, kështu që ne po marrim masat e nevojshme për të kufizuar rreziqet e transmetimit të COVID-19 te të tjerët. Kjo do të thotë që ne jemi duke identifikuar personat me të cilët kolegu ka qenë në kontakt të ngushtë në vendin e punës që prej 4 ditësh para fillimit të simptomave”, tregoi William Shapcott, drejtori i përgjithshëm i Këshillit për zhvillimin dhe shërbimet organizative.

Zyra e shtypit e Këshillit konfirmoi rastin, duke thënë se virusi ishte transmetuar nga një person tjetër në Belgjikë./ CNA.al





Lajmet e fundit nga