E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

“Provokoi djegien e mandateve te opozitës”/ Meta akuza të forta mazhorancës: Pse e thirra popullin në shesh

2 Mars 2020, 17:33, Politikë CNA

Presidenti, Ilir Meta, nuk i ka kursyer aspak akuzat për mazhorancën qeverisëse, nga podiumi i protestës që ka organizuar.

Meta përmendi sërish grushtin e shtetit dhe kapjen e Kushtetutës, ndërsa theksoi se arsyeja pse ka mbledhur sot qytetarët në shesh është për të parandaluar veoprimet e paaligjshme të mazhorancës.

?Shqipëria e sotme është ndarë në dy botë antagoniste. Një botë e vogël, e errët, e oligarkëve, që si shushunja pinë çdo ditë gjakun e popullit tonë me koncesionet e frikshme të PPP. Jemi vendi i parë në botë për kostot e autostradave për km/2, i kemi më të shtrenjtat. Unë si President i kam rrëzuar publikisht këto dekrete të arsyetuara mbi Kushtetutë. Këto dekrete për koncesione kanë qëllim vetëm grabitjen e Shqipërisë. Ata tani kërkojnë dhe rrëmbimin në mënyrë mafioze të Gjykatës Kushtetuese, që krimet e tyre kushtetuese të mbeten pa gjykuar dhe që oligarkët të fitojnë sa më shumë. Jemi këtu se asnjë nga ne nuk mund t?i qëndrojë anash grushtit të shtetit. Jemi këtu kundër grushtit të shtetit.

Pse Presidenti thirri popullin? Sepse i shteroi të gjitha përpjekjet demokratike për të parandaluar kapjen e shtetit dhe sidomos grushtin e shtetit. Presidenti ka thirrur popullin, sepse pasuria kombëtare që po vidhet çdo ditë, është ajo që Zoti iu ka dhënë gjithë shqiptarëve. Sepse sistemi i drejtësisë është kapur për fyti nga sekti anti-shtet. Sepse kemi drejtësi me regjim, që godet të varfrit. Sepse financat po shterojnë dhe borxhet po rriten, dhe ato i paguani të gjithë ju. Sepse ekonomia juaj është në ditët më të errëta?, deklaroi Kreu i Shtetit.

Meta rreshtoi disa akuza të forta që sipas tij vërtetojnë kapjen e Kushtetutës, ku përmendi edhe betimin e deputetëve të opozitës pas djegies së mandateve.

“Sistemi i drejtësisë është kapur për fyti, sepse kemi drejtësi me regjim që godet të varfërit, të pambrojturit dhe të ndershmit, sepse financa publike po shteron dhe borxhet publike. Ky është instrument shtypës, ky gjysmë Parlament është shndërruar në një kungull të këtij shteti, ky Kuvend ka 122 nga 140 deputetë. Ata provokuan opozitën për tu larguar nga Paralmenti, ata vrapuan të zëvendësonin deputetët në kundërshtim me ligjin. Ata shkelën Kushtetutën dhe regulloren e Kuvendit vetëm që të largonin opozitën?, nënvizoi Presidenti./ CNA.al