web counter
LEXO PA REKLAMA!

SHKARKO APP

App Store
Google Play

E fundit!

x

Ngriti në këmbë Pallatin e Kongreseve/ Kush është “enveristi” që puthi Rama në ballë

29 Shkurt 2020, 19:34, Politikë CNA

I gjithë Pallati i Kongreseve u ngrit në këmbë kur kryeministri Edi Rama ftoi në podium socialistin 100-vjeçar Ziqirin.

Rama e prezantoi si të ftuar special dhe e puthi në ballë, por kush është Ziqir Mero? Studiuesi Kastriot Dervishi bën me dije se Mero është ish-ushtarak i lartë i regjimit komunist.

Ai thotë se Mero njihet si agjitator i organizatës së ?veteranëve? në mbrojtje të figurës së diktatorit Enver Hoxha. Dervishi deklaron se i moshuari ka shprehur qëndrimin e tij dy vite më parë kundër dekorimit të nënave dhe fëmijëve që vuajtën në kampin e Tepelenës në vitet 1949-1953.

?Në tribunën e kongresit doli sot enveristi Ziqiri Mero, ish ushtarak i lartë i regjimit komunist, anëtari më i vjetër i partisë. Edhe udhëheqësi e puthi në ballë. Mero njihet si agjitator i organizatës së ?veteranëve? në mbrojtje të figurës së terroristit Enver Hoxha. Për të mos u zgjatur shumë, kujtoj se dy vjet më parë mero u shpreh kundër dekorimit të nënave dhe fëmijëve që vuajtën në kampin e Tepelenës në vitet 1949-1953, sepse i quante ?kolaboracionistë?. Kësisoj, në kongresin pa numër, një kampion enverizmi u evidentua në tribunë dhe kongresistët u çuan në këmbë me urdhër për të respektuar subjektin. Do ishte me interes që nëse kampi në fjalë do arrijë të bëhet muze kombëtar, të kishte edhe foton e Meros aty, si mbrojtës i flaktë i krimeve të diktaturës në kohët e sotme. Nuk pres ta bëjë ?Harabeli? këtë se ai është në anën e Meros?, shkruan studiuesi në rrjetet sociale./ CNA.al





Lajmet e fundit nga