E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vijuar hetimet ndaj shtetases Beli...

Gjylameti “hap zemrën”/ Flet për debatet dhe kritikat brenda PS

29 Shkurt 2020, 18:37, Politikë CNA

Anëtarja e Komisionit të Ekonomisë Blerina Gjylameti ka folur për propozimin e kryeministrit Edi Rama për amnistinë fiskale kombëtare për një periudhë të caktuar, në Kongresin e PS-së.

Gjylameti tha se propozimet e Ramës nuk janë nismë elektorale, ndërsa theksoi se paga minimale brenda një viti do kalojë nga 26 mijë në 30 mijë lekë.

?Për sa i përket nismës për amnistisë fiskale, ne dimë që një numër i konsiderueshëm i shqiptarëve ka emigruar jashtë vendit, kanë punuar shpesh herë edhe në të zezë, kur janë kthyer në vend dhe kanë dashur të investojnë kanë patur vështirësinë për t’i patur të deklaruara pasuritë. Kjo është pikërisht një nismë që vjen si përgjigje apo në adresim të kësaj problematike që është disa vjeçare në Shqipëri?, u shpreh ajo në një prononcim për Abc News.

Sipas saj, kjo nismë mundëson që të adresohet dhe të ketë edhe një rritje ekonomike shumë më të qëndrueshme. Më tej, socialistja nënvizoi faktin se politikanët kolegë nuk do të përfitojnë nga kjo amnisti.

?Politikanët kanë detyrime të deklarimit të pasurisë prej shumë vitesh. Politikanët do të vazhdojnë të përgjigjen për çdo qindarkë që fitojnë dhe duhet të përgjigjen para ligjit nëse janë fituar në mënyrë të paligjshme. Kjo amnisti nuk ka fare për subjekt politikanët por njerëzit e zakonshëm?, tha ajo.

Gjithashtu Gjylameti foli edhe për kritikat dhe debatet brenda PS-së, për të cilat tregoi se janë të shpeshta.

?Ne kemi diskutime të shpeshta, qoftë në kryesinë e PS, për çfarë duhet, dhe si duhet bërë më mirë. PS është një shtëpi shumë e madhe ku kritikat janë më se të mirëpritura, debate ka por në fund ajo çfarë ndodh në një shtëpi demokratike, me rregulla demokratike, fiton mendimi më i mirë. Besimi për kryeministrin Rama është treguar tashmë në 2 zgjedhje qendrore ku votat nga mandati i parë në të dytin janë rritur. Mandati i tretë është që njerëzit dhe qytetarët shqiptarë do kuptojnë që forca që kanë besuar është një forcë që në çdo moment ka qenë në përgjigje të pritshmërive të tyre?, deklaroi socialistja./ CNA.al