web counter
LEXO PA REKLAMA!

SHKARKO APP

App Store
Google Play

E fundit!

x

Një prilli, dita e lavdisë Rama-Meta

29 Shkurt 2020, 12:27, Politikë CNA

Në një një prill të vitit 2013 u krijua koalicioni qeveritar PS- LSI. Pas kësaj aleance mes Ramës dhe Metës, PS dhe LSI qeverisën për katër vite. Ndanë pushtetin, ndanë tepsinë.

Në një prill 2013, Ilir Meta në atë kohë kryetar i LSI-së, pas katër vitesh bashkëqeverisje me Partinë Demokratike, pasi i solli asaj jo pak kosto politike, për shkak se u kap me bllok në dorë, shkoi dhe bëri aleancë me Edi Ramën.

Aleanca e një prillit mes Ramës dhe Metës solli Rilindjen në pushtet.

Më tej, në zgjedhjet e 2017-ës, kryeministri Edi Rama, merr i vetëm 74 mandate dhe prishet koalicioni me LSI-në. Rama merr i vetëm ?timonin?.

Ndërkohë, tashmë pas gjashtë vitesh vime në një tjetër situatë. Të dyja palët kanë intensifikuar sulmet kundër njëra-tjetrës. Për më tepër, Ilir Meta, ish-kreu i LSI-së, sot presidenti i zgjedhur nga Rilindja, ka paralajmëruar edhe një tubim në dy mars, sikurse e cilëson ai kundër grushtit të shtetit.

Por, mesa duket dita e lavdisë Rama-Meta, vijon të jetë ?nostalgjike?, për palët. Vetë kreu i shtetit, Ilir Meta, i zgjedhur president nga Rilindja që sot sulmon, i ka drejtuar një mesazh mjaft të qartë Edi Ramës, ndërsa i kujton ?Një prillin?.

Në një deklaratë për mediat, Meta sot tha se ?Pas 2 Marsit, ka edhe 5 mars. Ka edhe një prill. Ju e shikoni edhe sa 1 prilla ka këtu, edhe për ligjin që ka të bëjë edhe me integritetin e anëtarëve të Gjykatës Kushtetuese?-tha Meta.

Në fakt, Meta ka shumë të drejtë, gjithçka që lidhet me këtë klasë politike, me marrëveshjet e tyre është një ?një prill?./ CNA.al





Lajmet e fundit nga